Nur-Sultan qalasy damýynyń jańa kezeńi bastaldy - Máýlen Áshimbaev

NUR-SULTAN. QazAqparat - «Nur Otan» partııasy Tóraǵasynyń birinshi orynbasary Máýlen Áshimbaev elordamyzdyń Nur-Sultan dep atalýyna qatysty pikir bildirdi, dep habarlaıdy QazAqparat tilshisi.

«Búgin el Prezıdenti Q.Toqaev «Qazaqstan Respýblıkasynyń Konstıtýtsııasyna ózgertýler engizý týraly» Zańǵa jáne elorda ataýyn Nur-Sultan dep ózgertý týraly Jarlyqqa qol qoıdy. Osynaý tarıhı sheshim bizdiń jas elordamyzdyń damýynyń jańa kezeńin ashady. Elimizdiń bas qalasynda tabystar men odan ary gúldený tileımiz», - dep jazdy Máýlen Áshimbaev Feısbýktegi paraqshasynda.

Aıta keteıik, búgin Memleket basshysy Qasym-Jomart Toqaev Qazaqstan Respýblıkasynyń astanasy - Astana qalasyn Qazaqstan Respýblıkasynyń astanasy - Nur-Sultan qalasy dep qaıta ataý týraly jarlyqqa qol qoıdy.