Nur-Sultan qalasy áýejaıynyń kody ózgeredi
NUR-SULTAN. QazAqparat - IATA Nur-Sultan qalasy áýejaıynyń kodyn ózgertý týraly túzetýdi maquldady, dep habarlaıdy Azamattyq avıatsııa komıteti.
«Búgin Varshavada «IATA Global Airport and Passenger Simposium» konferentsııasynda QR IIDM Azamattyq avıatsııa komıtetiniń tóraǵasy Talǵat Lastaev bastaǵan «EırAstana» jáne «Skat» áýekompanııalarynyń ókilderinen turatyn qazaqstandyq delegatsııanyń qatysýymen IATA-nyń 763 rezolıýtsııasyna Qazaqstan bastamashylyq etken ózgerister paketi maquldandy. Sonyń negizinde «Nur Sultan» halyqaralyq áýejaıynyń kody IATA rásimderi men standarttaryna sáıkes ózgertiletin bolady» dep jazylǵan vedomstvonyń Feısbýktegi habarlamasynda.
