Nur-Sultan blokposttarynda tártip buzǵan 128 adam jazalandy
NUR-SULTAN. QazAqparat - Elordada karantın jarııalanǵannan beri blokpostqa kirip-shyǵý tártibin buzǵany úshin 128 adam jazalandy. Onyń 99-y qamaýǵa alynyp, 19 azamatqa aıyppul salyndy, taǵy 10 is sot qaraýyna joldandy, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.
«30 naýryzdan bastap tótenshe jaǵdaı rejımi kúsheıtildi. Nur-Sultan qalalyq polıtsııa departamenti ınfektsııa taralýynyń aldyn alý maqsatynda barlyq qajetti sharalar qabyldaýda. Patrýl polıtsııa jasaqtary kóbeıtildi. Azamattardyń jáne avtokólikterdiń qozǵalysy qalanyń barlyq aýdanynda qatań baqylaýǵa alyndy», deıdi qalalyq polıtsııa departamentiniń baspasóz ókilderi.
Sondaı-aq qalada táýlik boıy kezekshilik jumys isteıdi. Mobıldi toptar jumyldyrylǵan. Blok posttaǵy jaǵdaı dron arqyly baqylanady.
Qala aýmaǵy kósheler boıynsha birneshe bólikke bólingen. Onda tártip saqshylary jaǵdaıdy qadaǵalap otyrady.
Qalada jalpy sany 26 blokpost qoıylǵan.
Aıta ketsek, 28 naýryzdan bastap elorda turǵyndaryna azyq-túlik alýǵa, medıtsınalyq qyzmetke júginýge nemese dári-dármek satyp alýǵa jáne arnaıy ruqsat boıynsha jumysqa barýǵa ruqsat etiledi.
Qalǵan azamattardyń úıden shyǵýyna shekteý qoıyldy. Kámelet jasqa tolmaǵandar eresekterdiń qaraýynsyz qalada júrýge bolmaıdy.
Otbasy múshelerin qospaǵanda, kóshede 3 adamnan artyq toptalyp júrýge tyıym salynǵan.
