10:18, 03 Qarasha 2021 | GMT +6
Nur-Sultan - Bishkek avıareısi qaıta jandanady
NUR-SULTAN. QazAqparat - Qazaqstan men Qyrǵyzstan arasynda turaqty áýe qatynasy qaıta jandanady. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.
«2 qarashada Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń kezekti otyrysyna Nur-Sultan – Bishkek baǵytynda Qazaqstan men Qyrǵyzstan arasyndaǵy turaqty áýe qatynasyn qalpyna keltirý máselesi qaraldy.
Nátıjesinde «Eır Astana« áýe kompanııasy jaqyn arada eki el astanasy arasyndaǵy reısterdi qaıta bastaıtyn boldy», - delingen mınıstrlik aqparatynda.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes E190-E2/A – 320 áýe kemelerimen oryndalady.
