Nur-Sultan balabaqshasynda balany uryp-soǵý faktisi boıynsha qylmystyq is qozǵaldy

NUR-SULTAN. QazAqparat – Nur-Sultan qalalyq polıtsııa departamenti baspasóz qyzmetiniń málimetinshe, balabaqshada balany uryp-soǵý faktisi boıynsha qylmystyq is qozǵaldy, dep habarlaıdy QazAqparat tilshisi.

«Alan» balabaqshasynda balany uryp-soǵý faktisi boıynsha Qazaqstan Respýblıkasy Qylmystyq kodeksiniń 140-baby «bilim berý mekemesi qyzmetkeriniń kámeletke tolmaǵan balany tárbıeleý jónindegi mindetterdi oryndamaýy» boıynsha qylmystyq is qozǵaldy. Kúdiktiniń kinási tolyǵymen dáleldendi. Bıylǵy jyldyń 25 qańtarynda qylmystyq is aıaqtalyp, protsessýaldyq sheshim qabyldaý úshin sotqa jiberildi»,– dedi Nur-Sultan qalalyq polıtsııa basqarmasy bastyǵynyń orynbasary Muratjan Shakerov.

Eske sala keteıik, buǵan deıin áleýmettik jelilerde balany uryp-soǵý týraly aqparat taraǵan bolatyn.