Nur-Sultan áýejaıynyń ushý-qoný jolaǵy ýaqytsha jabylady
NUR-SULTAN. QazAqparat – Elorda áýejaıynyń ushý-qoný jolaǵyna jóndeý jumystary júrgiziledi, dep habarlaıdy QazAqparat.
«23 jáne 24 qyrkúıek kúnderin qospaǵanda qyrkúıektiń 13-inen 30-yna deıin Nursultan Nazarbaev halyqaralyq áýejaıynyń ushý-qoný jolaǵy saǵat saǵat 09:00-13:00 aralyǵynda josparly aǵymdyq jumystarǵa jabylady. Ushý-qoný jolaǵynyń atalǵan kezeńde jabylýy sol ýaqyttardyń aralyǵynda oryndalatyn reıster sanynyń az bolýymen baılanysty. Sol sebepti ushýlardyń oryndalýyna áser etpeıdi. Engizilgen shekteýler jaıynda barlyq múddeli áýe kompanııalary men áýe kemelerin paıdalanýshylar habarlandy», - delingen Nursultan Nazarbaev halyqaralyq áýejaıy taratqan aqparatta.
Áýejaı ushý-qoný jolaǵyn jóndeý jumystaryna baılanysty týyndaǵan ýaqytsha qolaısyzdyqqa túsinistikpen qaraýdy suraıdy.
