Nur-Sultan áýejaıy barlyq jolaýshylar ushaǵyn qabyldaýdy toqtatady
NUR-SULTAN. QazAqparat – 1 sáýirden bastap elorda áýejaıyna jolaýshylardy tasymaldaıtyn barlyq ushaqtyń qonýyna ruqsat berilmeıdi, dep habarlaıdy QazAqparat QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetine siltememen.
«1 sáýir kúngi saǵat 00:00-den bastap Nur-Sultan áýejaıy barlyq halyqaralyq turaqty jáne evakýatsııalyq jolaýshylar ushaǵyn qabyldaýdy toqtatady» delingen habarlamada.
Sondaı-aq, vedomstvo málimetine saı, Almatyda da 1 sáýirden bastap reısterdi qabyldaý toqtatylady. Al halyqaralyq jolaýshylar áýe reısteri Qazaqstannyń basqa áýejaılaryna qaraı baǵyttalatyn bolady.
