Nur-Sultan, Almaty, Kókshetaýda vaktsına saýda ortalyqtarynda salynyp jatyr
NUR-SULTAN. QazAqparat – Óńirlerdegi ımmýndaý is-sharalary 916 ekpe pýnktinde júrgizilip jatyr. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«El óńirlerinde halyqty ımmýndaý naýqany jalǵasýda. Qazirgi ýaqytta óńirlerdegi ımmýndaý is-sharalary 916 ekpe pýnktinde júrgizilip jatyr. Sonymen qatar, KVI-ge qarsy vaktsınalaý júrgizý úshin shalǵaı eldi mekenderde, uıymdasqan ujymdarda, adamdar kóp shoǵyrlanǵan oryndarda ekpe jasaýdyń 233 kóshpeli brıgadasy jumyldyrylǵan», - dedi mınıstr Úkimet otyrysynda.
Onyń aıtýynsha, ımmýndaý naýqanyna 10 myńǵa jýyq medıtsına qyzmetkeri tartyldy.
«Nur-Sultan, Almaty, Kókshetaý qalalarynda ekpe jasaý pýnkteri saýda ortalyqtarynda, bazarlarda uıymdastyryldy. Bul jerlerde demalys kúnderi de vaktsına saldyrýǵa bolady. Osy oraıda turǵyndardyń vaktsınaǵa qoljetimdigi artyp otyr», - dedi A. Tsoı.
Budan buryn habarlanǵandaı, Alekseı Tsoı el óńirlerine qansha vaktsına jetkizilgenin aıtty.
