Nur-Sultan – Almaty baǵytyndaǵy ushaq qozǵaltqyshynan qus belgileri anyqtaldy

ALMATY. QazAqparat - Ushaqty tekserý kezinde qozǵaltqyshtan qustyń qaldyqtary tabyldy. Bul týraly «Air Astana» áýe kompanııasynyń baspasóz qyzmeti málim etti, dep habarlaıdy QazAqparat tilshisi.

«Búgin Nur-Sultan -Almaty- KS 9960 reısin oryndaǵan Airbus A321LR ushaǵyn tekserý barysynda qozǵaltqyshynan qus belgileri anyqtaldy. Saldarynan qozǵaltqysh qaqpaǵy zaqymdaldy (maıysyp qalǵan)»,- dep habarlady «Air Astana» áýe kompanııasynyń baspasóz qyzmeti.

Áýe kompanııa málimetinshe, jóndeý jumystaryn «Air Astana» ınjenerlik-tehnıkalyq bóliminiń qyzmetkerleri júrgizedi.

Eske salaıyq, 23 tamyz kúni Ystanbul – Almaty baǵytyndaǵy ushaqtyń qozǵaltqyshynan qus izderi tabylǵan edi.

Sondaı-aq 18 tamyz kúni Almaty - Atyraý reısindegi ushaqtyń qozǵaltqyshyna da qus túsip ketken bolatyn. Tehnıkalyq jaǵdaıyn baǵalaý úshin bortty paıdalaný toqtatyldy. Osyǵan baılanysty Atyraý - Almaty KS878 reısi keshiktirilip oryndalady.

Foto: t.me/PR_AirAstana/84