Nur-Sultan-Almaty baǵytyndaǵy taǵy bir jolaýshy poıyzy qaıta júre bastady

NUR-SULTAN. QazAqparat – Nur-Sultan men Almaty arasyna qatynaıtyn poıyz qozǵalysy qalpyna keltirildi. Budan bólek, «Jolaýshylar tasymaly» kompanııasynyń málimetinshe, elorda men Óskemen arasyna qosymsha reıs ashylǵan, dep habarlaıdy QazAqparat.

Kompanııa baspasóz qyzmetiniń málimetinshe, № 4/3 «Nur-Sultan - Nurly jol – Almaty-2» baǵytyndaǵy jolaýshylar poıyzynyń qatynaýy qalpyna keltiriledi.

Atalmysh poıyz 25, 27, 29 tamyz jáne 1, 3, 5, 7, 9, 11 qyrkúıekte elordanyń «Nurly jol» vokzalynan jóneltilip, 26, 28, 30 tamyz jáne 2, 4, 6, 8, 10, 12 qyrkúıekte Almaty-2 vokzalyna keledi ary qaraı qaıta jolǵa shyǵady. Poıyz 27, 29, 31 tamyz jáne 3, 5, 7, 9, 11, 13 qyrkúıekte elordanyń «Nurly jol» vokzalyna jetedi.

Sonymen qatar, qosymsha reıs № 68/67 «Nur-Sultan – Nurly jol - Óskemen-1» baǵytyndaǵy jolaýshy poıyzy qatynaıdy. Poıyz 26, 30 tamyz jáne 3, 7, 11 qyrkúıekte Nur-Sultan-Nurly joldan jóneltiledi. 27, 31 tamyzda jáne 4, 8, 12 qyrkúıekte Óskemennen kelip, ary qaraı qaıta jolǵa shyǵady. Poıyz Nur-Sultan – Nurly jolǵa 28 tamyzda jáne 1, 5, 9, 13 qyrkúıekte keledi

Jolaýshylar poıyzdarǵa qatysty barlyq aqparatty «105» anyqtamalyq telefony arqyly alady.

Eske sala ketsek, № 3/4 «Nur-Sultan-Nurly Jol - Almaty-2» poıyzy karantın kezinde toqtap turdy. Al Memlekettik komıssııasynyń 2 shildedegi sheshimine, Bas memlekettik sanıtarııa dárigeriniń 3 shildedegi qaýlysyna sáıkes osymen qatar taǵy úsh jolaýshy poıyzynyń ýaqytsha toqtatylýy 2 aptaǵa uzartylǵan edi.

Sondaı-aq, tamyz aıynyń basynda karantınge baılanysty elimizde birqatar poıyzdyń júrý kestesi ózgerip, keıbiri ýaqytsha toqtatyldy.