Nur-Sultan ákimi azamattardy onlaın qabyldady
Turǵyndar turǵyn úı baǵdarlamalaryna qatysý, áleýmettik kómek alý, qurylysy uzaqqa sozylǵan nysandardyń qurylysyn aıaqtaý, sport salasyn damytý, jumysqa ornalasý jáne t. b. máselelerdi kóterdi.
«Osyndaı qıyn-qystaý kezde bizdi jalǵyz qaldyrmaı, kómek kórsetkenderińiz úshin alǵys bildiremiz. 42,5 myń teńge kólemindegi áleýmettik kómekti aldyq. Nur Otan partııasy da kómek kórsetip, 50 myń teńge aýdardy. Ákimdik pen eriktiler de kómektesti, azyq-túlik pen medıtsınalyq maskalardy ákeldi. Sharalardyń barlyǵy ýaqytyly kórsetildi. Azamattardy qabyldaý toqtap qalmaı, ótkizile bergeni durys. Keri baılanysty sezinemiz», - dedi qala turǵyndary onlaın qabyldaý barysynda.
Memleket basshysynyń tapsyrmasyna sáıkes 42,5 myń teńge kóleminde áleýmettik tólem alýshylardyń tizimi keńeıtildi. 29 sáýirdegi derekterge sáıkes elordada 42,5 myń teńge kólemindegi áleýmettik tólemdi 284 myńnan astam adam aldy, bul 12 mıllıard teńgeden astam qarajat. Elbasynyń tapsyrmasyna sáıkes qalada birinshi kezeń aıasynda 14,5 myń turǵyn 50 myń teńge kóleminde materıaldyq kómek aldy.
Ekinshi kezeń boıynsha tólem berý bastaldy. 28 myńnan astam turǵynǵa shamamen 1,4 mlrd teńge kóleminde materıaldyq kómek kórsetiledi. Kómekti az qamtylǵan otbasylar, erekshe qajettiligi bar turǵyndar ( 1,2 toptaǵy erekshe qajettiligi bar azamattar, erekshe qajettiligi bar zeınetkerler, ataýly áleýmettik kómek alatyn turǵyndar), erekshe qajettiligi bar balany kútýmen aınalysatyn ata-analar (AÁK alýshylar), zeınetkerler (eń tómengi jáne tómen zeınetaqy alatyndar), jetimder, Uly Otan soǵysynyń qatysýshylary, Uly Otan soǵysynyń múgedekteri jáne olarǵa teńestirilgen tulǵalar, tyl eńbekkerleri alady.
Halyqty qoldaýdyń basqa da sharalary qolǵa alyndy. Ataýly áleýmettik kómek kórsetilip, azyq-túlik sebetteri men medıtsınalyq maskalar taratylyp jatyr. Azamattardy onlaın-formatta qabyldaý turaqty negizde ótkiziledi.
