Nur-Sultan ákimdigi josyqsyz qurylys salýshylardyń tizimin jarııalady
NUR-SULTAN. QazAqparat - Elorda ákimdigi qala prokýratýrasymen birlesip Qazaqstan Respýblıkasynyń «Turǵyn úı qurylysyna úlestik qatysý týraly» qoldanystaǵy zańnamasy talaptarynyń saqtalýyna monıtorıng júrgizip jatyr, dep habarlaıdy QazAqparat Nur-Sultan ákimdiginiń resmı saıtyna silteme jasap.
2018 jyldan bastap búgingi kúnge deıin úleskerlerdiń qarajatyn zańsyz alyp, turǵyn úı keshenderi jobalaryn jarnamalaý úshin zańdy buzǵan 46 qurylys kompanııasy ákimshilik jaýapkershilikke tartyldy.
«Josyqsyz qurylys salýshylar zańsyz túrde úleskerlerdiń aqshasyn alyp, páter satyp jatyr. Problemalyq nysandar men aldanǵan úleskerlerdiń paıda bolýyna jol bermeý maqsatymen josyqsyz qurylys salýshylarǵa qatysty ister polıtsııaǵa jáne prokýratýraǵa jiberildi. Turǵyndarǵa páter alý úshin kúmán keltiretin qurylys salýshylarǵa qarajat bermeýge, olarǵa senbeýge shaqyramyz. Aqparat pen ruqsat qujattaryn muqııat tekserińiz», - dep atap ótti qala ákimdiginde. Úleskerlerdiń qarajatyn alýǵa ruqsat qujattary joq qurylys kompanııalarynyń tizimi:
- «BS Company» (Bı Es Kompanı«) JShS
-Hasenova Bıbısara Zakırıevna
-«Shang Hı Grýpp» JShS
- «White Gold Development« JShS
-«First LQ» JShS
-«Sýltan-B» JShS
-«NTB Projects»JShS
-«International invest Company IIC» JShS
-«Transcapital»JShS
- «AstanaStroıDom» JShS
-«Azııa» JShS
-«King Development» JShS
-«Aktas-M» JShS
-«Viva Grand» JShS
-«Ast-GA» JShS
-Qaz Build JShS
-«Mainstreet» JShS
-«Arzan 777» JShS
-»Stroıtelnaıa kompanııa Astana Building« JShS
-«Enterprise Astana» JShS
-«Jetisý» JQ JShS
-«Gradým Stroı» JShS
-«Tehmontajstroı» JShS
