Nur-Sultan ákimdigi OSO-lar men monshalardyń jumysyn bastaýdaǵy sharttaryn jarııalady
NUR-SULTAN. QazAqparat – Elordadaǵy iri oıyn-saýyq ortalyqtary jumysyn bastaýy múmkin. Buǵan qatysty tıisti qaýlynyń daıyndalyp jatqanyn qalanyń bas sanıtarlyq dárigeri Janna Pirálıeva málim etti, dep habarlaıdy QazAqparat tilshisi.
«Elordada baıqalǵan koronavırýs ınfektsııasy deńgeıiniń oń dınamıkasyna qaramastan sanıtarlyq-epıdemıologııalyq talaptardyń qatań saqtaý qajettiligin atap aıtqym keledi. Sebebi karantın sharalaryn bosańsytý – kez kelgen ýaqytta aýrýdyń ósýine ákelýi múmkin. Osyǵan baılanysty ruqsat etilgen nysandarda sanıtarlyq normalardyń talaptaryn tek sýbektilerdiń ózderi ǵana emes, sonymen birge kelýshiler de qatań saqtaýy kerek», - dedi Janna Pirálıeva OKQ-da ótken baspasóz máslıhatynda.
Ol qaladaǵy saýda jáne oıyn-saýyq ortalyqtarynyń jumysy qashan jandanatynyn aıtyp ótti.
«Qaladaǵy epıdemıologııalyq jaǵdaıdy eskere otyryp, vedomstvoaralyq komıssııada 2020 jyldyń 20 mamyrynan bastap bizdiń qalada saýda-oıyn-saýyq ortalyqtarynyń (onyń ishinde oıyn-saýyq jáne oıyn ortalyqtarynsyz, fýdkordsyz, kınoteatrsyz) jáne qoǵamdyq monshalardyń (saýnalardyń basseınsiz), azyq-túliktik emes saýda ortalyqtary men saýda úıleriniń jumysyn qaıta bastaý jumysy júrgizilip jatyr. Bul máseleni qazir bizdiń tarapymyzdan qarastyryp jatyrmyz
Bul máselege qatysty búgingi kúni qalalyq bas memlekettik sanıtarlyq dárigerdiń qaýlysy daıyndalyp jatyr.
