Nur-Sultan ákimdigi men Koreıa JOO túlekteri turmysy tómen otbasylarǵa azyq-túlik taratty

NUR-SULTAN. QazAqparat – Qazaqstandaǵy Koreıa Respýblıkasynyń elshiligi, KOICA Koreı joǵary oqý oryndarynyń qazaqstandyq túlekteri qaýymdastyǵy, Nur-Sultan qalasy ákimdigi jáne Qazaqstannyń djentlmender klýby COVID-19 saldarynan ekonomıkalyq qıyndyqqa tap bolǵan otbasylarǵa azyq-túlik sebetterin berdi, dep habarlaıdy QazAqparat Koreıa Respýblıkasynyń elshiligine silteme jasap.

«23 jeltoqsan kúni Koreıanyń Qazaqstandaǵy Tótenshe jáne Ókiletti Elshisi Ký Hong-Sok pandemııa saldarynan ekonomıkalyq qıyndyqqa tap bolǵan otbasyna bardy jáne qaıyrymdylyq kómekti tapsyrdy. Búgingi shara aıasynda 25 myń teńgege jýyqtaıtyn azyq-túlik sebetin 35 otbasy alady», - dep habarlady elshilik.

Osy jyldyń basynda Qazaqstandaǵy KOICA túlekter qaýymdastyǵy Pavlodar qalasynyń bastaýysh mektepteri men Qazaqstannyń sanıtarlyq dárigerler men epıdemıologtar qaýymdastyǵyna jalpy somasy 9,300 AQSh dollary bolatyn sanıtarlyq-gıgıenalyq buıymdardy bergen edi.

12 jeltoqsanda Koreıa Respýblıkasynyń Úkimeti Qazaqstanǵa 375 000 dollar bolatyn gýmanıtarlyq kómek jibergen edi. Onda COVID-19 shaldyqqan patsıentterge 72 ottegi kontsentratory, 50 monıtor jáne 111 000 dana FFP2 standartty respıratorlyq qorǵanys maska jetkizildi.