Nur-Sultan ákimdigi qar tazalaıtyn tehnıkalar satyp aldy
NUR-SULTAN. QazAqparat - Nur-Sultan qalasynyń ákimdigi 60-tan astam qar tazalaıtyn tehnıka satyp aldy, dep habarlaıdy QazAqparat qalalyq ákimdikke silteme jasap.
«Joldar men trotýarlardy qardan tazalaýǵa arnalǵan qosymsha 60-tan asa tehnıka alyndy. Onyń ishinde ózi aýdaratyn júk kóligi, frontaldy tıegishter, avtogreıderler, traktorlar jáne t.b. bar. 2019 jyldyń jeltoqsanynda kommýnaldyq qyzmet kórsetý parki 70-ke jýyq arnaıy tehnıkamen tolyqty», - dep jazylǵan qala ákimdiginiń Instagram paraqshasynda.
Sonymen birge, qosymsha taǵy 50-ge jýyq arnaıy tehnıka satyp alynady. Olardy kóktemde jáne jazda paıdalanýǵa bolady.
Eske sala ketsek, búgin Nur-Sultanda 15 elektr avtobýs paıdalanýǵa berildi. Jańa avtobýstar ıntellektýaldy baqylaý júıesimen, múmkindigi shekteýli jandarǵa arnalǵan pandýs jáne balasy bar jolaýshylarǵa arnalǵan oryndarmen jabdyqtalǵan.
