Nur-Sultan ákimdigi elordanyń úzdik ánuranyn anyqtaý jónindegi baıqaýdy qaıta jarııalady
NUR-SULTAN. QazAqparat - Nur-Sýltan qalasynyń ákimdigi elordanyń úzdik ánuranyn anyqtaý boıynsha shyǵarmashylyq baıqaýdy qaıtadan jarııalady, dep habarlaıdy QazAqparat.
Bul baıqaý jastardy patrıotızm seziminde tárbıeleý, qalanyń úzdik rámizderin jasaý, sondaı-aq ulttyq ónerdi odan ári damytý jáne ony keńinen nasıhattaý maqsatynda ótkiziledi, dep habarlaıdy qala ákimdiginiń resmı saıty.
Óz jumysyn kásibı jáne áýesqoı kompozıtorlar men aqyndar, mýzykalyq jáne shyǵarmashylyq toptar, sondaı-aq respýblıka turǵyndary men qala turǵyndary jibere alady. Baıqaý 2019 jyldyń 8 shildesinen 10 tamyzyna deıin júrgiziledi. Gımn kez kelgen janrda jáne ártúrli oryndaýshylar úshin jazylýy múmkin.
Baıqaýǵa qatysqysy keletinder Nur-Sultan qalasynyń Qoǵamdyq damý isteri basqarmasyna 2019 jyldyń 10 tamyzynan keshiktirmeı myna materıaldardy tapsyrýy kerek:
1. Toltyrylǵan ótinim.
2. CD-formatynda aldyn-ala tańdaý úshin jumystyń aýdıo jazbasy.
3. «Nur-Sultan qalasynyń Gımni» mátini A4 formatyndaǵy 1 betten (4-5 shýmaqtan) aspaýy tıis jáne elektrondy túrde BAIKAU.KZ@MAIL.RU poshtasyna joldaý qajet.
Baıqaýǵa baǵyttalǵan Gımn buryn jarııalanbaýy tıis jáne onyń sózinde respýblıkanyń astanasyna rýhanı, otansúıgishtik, mahabbat pen maqtanysh ıdeıalary kórsetilýi kerek. Qazylar alqasy belgili kompozıtorlardan, aqyndardan, jáne uıymdastyrý komıtetiniń múshelerinen turady. Baıqaýdyń jeńimpazy dıplommen jáne 3 000 000 teńge aqshalaı syılyqpen marapattalady.
Baıqaýǵa buryn jiberilgen Gımnniń mátinderi qaıta qabyldanbaıdy.
Qujattar myna mekenjaı boıynsha
qabyldanady: Beıbitshilik kóshesi, 528 keńse, «Úzdik gımn» nomınatsııasy boıynsha.
Sol sııaqty 55-66-30 nómerine habarlasýǵa bolady.
