Nur-Sultan - Ábý-Dabı baǵytynda jańa áýe reısi iske qosyldy

NUR-SULTAN. QazAqparat – Elordadan Ábý-Dabı qalasyna jańa áýe reısi iske qosyldy, dep habarlaıdy QazAqparat QR Indýstrııa jáne ınfraqurylymdyq damý mınıstrligi azamattyq avıatsııa kometetine silteme jasap.

«2022 jylǵy 14 aqpanda QR Indýstrııa jáne ınfraqurylymdyq damý mınıstrligi men «Wizz Air Abu Dhabi» áýe kompanııasy arasyndaǵy birlesken málimdeme aıasynda Qazaqstan men Birikken Arab Ámirlikteriniń astanalary arasynda jańa turaqty reıs ashyldy. «Wizz Air Abu Dhabi» áýe kompanııasynyń Nur-Sultan – Ábý-Dabı baǵyty boıynsha reısteri sanıtarlyq-epıdemıologııalyq talaptardy qatań saqtaı otyryp, áýe kompanııasynyń jumys kestesine sáıkes A-321 tıpti áýe kemesi qatynaıdy», - delingen habarlamada.

Sondaı-aq, resmı aqparatta atalǵan baǵyttaǵy áýe reısi dúısenbi jáne juma kúnderi oryndalatyny jáne bılet quny 20 evrodan bastalatyny aıtylǵan.