«Nur Otannyń» jańa baǵdarlamasy shaǵyn jáne orta bıznesti damytýǵa serpin beredi» - respýblıkalyq basylymdarǵa sholý

TANA. 1 qazan. QazAqparat /Aıdar Ospanalıev/ - Qazaq aqparat agenttigi respýblıkalyq basylymdarda 1 qazan, senbi kúni shyqqan ózekti materıaldarǵa sholýdy usynady.

***

Keshe Aqordada Memleket basshysy Nursultan Nazarbaev Qazaqstannyń eń úzdik magıstranttaryna Nazarbaev stıpen­dııa­sy men tósbelgi tapsyrdy. Nazarbaev stıpendııasy - elimizdegi ǵa­lymdar men pedagogtardyń eńbegine tyń serpin berý maqsa­tyn­­da elimizdiń jas magıstranttaryna alǵash ta­ǵaıyn­dalǵan. Onda Elbasy «Tarıhı 20 jyldyq eldiń esinen esh ýaqytta umy­tyl­maı­dy. Qazaqstan Keńes ókimeti qulaǵannan keıingi kezdesken bar­lyq qıyndyqty úlken kúsh-ji­ger­men eńserdi. Búginde Oń­tús­tik-Shyǵys Azııadaǵy daǵdarys, 2008-2010 jyldardaǵy asa aýyr qar­jy­lyq-ekonomıkalyq daǵda­rys áli de jalǵasýda. Eýropa bul qıyn­dyqtyń áserimen áli de kú­resý ús­tinde, - dep atap kórsetti. Kezdesý barysynda kóterilgen máseleler «Egemen Qazaqstan» basylymynyń búgingi sanynda «Tereń bilim eldi eńseli bolashaqqa bastaıdy» degen taqyryppen jarııalandy.

Sondaı-aq atalmysh basylym áıgili ǵaryshker Toqtar Áýbákirovpen bolǵan suhbatty jarııalapty. «Onda ǵaryshker Jeltoqsan oqıǵasy na­mys­tyń oqıǵasy boldy ǵoı. Bas­qasyn bylaı qoıǵanda, kún­delikti ómirde - dúkender men mekemelerde, mádenı ortalarda orystardyń qazaqtarǵa qy­ryn kózben qaraýy bolǵany jasyryn emes. Halyqtyń ara­syna syzat tústi. 1987 jyly 23 aqpan kúni - Qyzyl armııanyń qu­rylǵan kúni qarsańynda men 1986 jylǵy qarashadaǵy ás­kerı tapsyrmany úzdik oryn­daýyma baılanysty Keńes Oda­­ǵynyń Batyry ataǵyn alýym kerek edi. Gorbachevtiń kózi tiri, KSRO-nyń eń ozyq oıly aza­mat­tary qol qoıǵan usynys qu­jatqa pysqyrmaı, «qazaqtyń aty jazylǵan» dep laqtyryp jibergen», -degen oıymen bólisedi. Bul suhbat «Egemen Qazaqstan» basylymynyń betinde «Qazaqtyń namysy ekenimdi uqqan kúnim...» atty taqyryppen jarııalandy.

***

Memleket basshysy óziniń Qazaqstan halqyna joldaǵan Joldaýynda 2020 jylǵa deıin ishki jalpy ónimdegi shaǵyn jáne orta bıznesti4 úlesin 40 paıyzǵa jetkizý týraly mindet júktegen bolatyn. Otandyq bıznestiń, ásirese shaǵyn jáne orta bıznestiń hal-jaǵdaıyna jalpy eńbek naryǵyndaǵy jaǵdaı ne bolmasa bıýdjettiń tolyǵýy, sondaı-aq keń aýqymdy memlekettik josparlardyń oryndalý tıimdiligi de tikeleı baılanysty. Sol sebepti bıznes klımatty jaqsartý, kásipker quqyqtaryn qorǵaý, shaǵyn jáne orta bızneske memlekettik qoldaý kórsetý máseleleri únemi «Nur Otan» halyqtyq-demokratııalyq partııasynyń baqylaýynda bolady. Bul másele «Aıqyn» basylymynyń búginge sanynda «Nur Otannyń» jańa baǵdarlamasy shaǵyn jáne orta bıznesti damytýǵa serpin beredi» atty taqyryppen jaryq kórdi.

«Qazaq jáne Japon tilderiniń grammatıkalyq uqsastyqtary barshylyq. Sondyqtan maǵan qazaq tilin meńgerý óte ońaı boldy. Al «ádisteme, sapaly oqýlyqtar joq» deý bos sóz, tipti syltaý der edim. Bálkim Táýelsizdiktiń alǵashqy jyldary, el eńsesin endi kóterip jatqan kezde ádistemelikter jetkiliksiz bolǵan da shyǵar. Biraq qazir jańa zamanǵa saı ártúrli ádistemeler, oqýlyqtar, til úıretetetin bilikti de sapaly mamandar jetkilikti»,-dedi Qazaq-japon adam resýrstaryn damytý ortalyǵynyń oqytýshysy Masýdjama Shıgenobý.

Bul suhbat «Aıqyn» basylymynyń búgingi sanynda «Memlekettik tildi bir jarym jylda meńgerip aldym» atty maqalada.

***

«Kazahstanskaıa pravda» basylymynyń jazýynsha, «Samuryq-Qazyna» ál-aýqat qorynyń «Sarapshy» klýbynyń alǵashqy májilisi ótti. Onda bıylǵy jyly Mańǵystaýda bolǵan munaıshylardyń kóterilisine qatysty másele sóz boldy. «Samuryq-Qazyna» qorynyń Basqarma tóraǵasy Tımýr Qulybaevtyń bastamasymen qurylǵan atalmysh klýb munaıshylar jóninde ne deıdi. Bul týraly «Kazahstanskaıa pravda» basylymynyń búginig sanyndaǵy «Otkrytyı dıalog» atty maqalada.