«Nur Otannyń» XVI sezi strategııalyq maqsat-mindetterdi aıqyndaýǵa arnalady - B.Baıbek
ASTANA. QazAqparat - Partııamyzdyń kezekti XVI Sezi el senimin aqtaý jolynda qabyldanatyn strategııalyq maqsat-mindetterimizdi aıqyndaýǵa arnalady, dedi «Nur Otan» partııasy Tóraǵasynyń Birinshi orynbasary Baýyrjan Baıbek.Bul týraly partııanyń twitter-degi jeke paraqshasynda jazyldy.
«Osydan 550 jyl buryn tarıh sahnasyna shyqqan halqymyz Elbasy N.Á.Nazarbaevtyń arqasynda álem moıyndaǵan zamanaýı memleket qurdy. 20 jyl buryn barsha ult pen ulysty baıyrǵy qazaq jerinde ózara yntymaq pen kelisimge uıytqan Qazaqstan halqy Assambleıasy quryldy», - dedi B.Baıbek.
Sondaı-aq, ol: «Elbasy N.Á.Nazarbaev bıylǵy tarıhı Joldaýynda «Nurly Jol» baǵdarlamasyn jarııalady. Baǵdarlamany iske asyrýda, bólingen qarjynyń el ıgiligine shashaýsyz jumsalýyn qadaǵalaý «Nur Otan» partııasynyń aıryqsha mindeti», dep atap ótti.
