«Nur Otannyń» Bas apparatynda zııaly ultty qalyptastyrýdaǵy otbasynyń róli talqylandy
TANA. 30 qyrkúıek. QazAqparat - «Nur Otan» HDP Ortalyq apparatynda zııaly ultty qalyptastyrýdaǵy otbasynyń róli máselesi talqylandy.
Bul týraly partııanyń baspasóz qyzmetinen habarlandy.
«Nur Otan»HDP janyndaǵy Quqyqtyq keńes, QR Mádenıet mınıstrligi jáne Úkimettik emes uıymdardyń «Áriptes» Almaty konfederatsııasy birlesip uıymdastyrǵan dóńgelek ústeldiń jumysyna ǵalymdar men sarapshylar, Parlament depýtattary, Prezıdent Ákimshiligi men memlekettik organdardyń, azamattyq qoǵam ınstıtýttarynyń, jastar uıymdarynyń ókilderi qatysty.
Qazaqstandyq zııaly ultty qalyptastyrý - búgingi kúnniń ózekti máselesi retinde alǵash ret Elbasy, «Nur Otan»HDP Tóraǵasy N.Á.Nazarbaevtyń 2009 jylǵy qazanda ál-Farabı atyndaǵy QazUÝ-de jasaǵan jarııa dárisinde kóterilgen edi.
«Zııaly ultty» qalyptastyrý - 21 ǵasyrda qoǵamdy jańǵyrtýdyń joly, onda damýdyń basty kózi kreatıvti adam bolady. Shyǵarmashylyq, bul - adamnyń ózin-ózi jumyldyrý úderisi, ol árkimniń óziniń rýhanı baılyǵy bolýyn, jeke tulǵanyń daralyǵy men tól qasıetteriniń bolýyn kózdeıdi. Sondyqtan da baǵzy zamannan búginge deıingi tarıhı-mádenı muranyń barlyq sanalýandyǵy - bolashaqtyń rýhanı negizi men qaınar kózi bolyp shyǵady, olardy saqtaý men tolyqtyrý úrdisimen bizdiń «zııaly ultqa» umtylǵan jolymyz da shyn máninde bastalyp ketti deýge bolady.
Quqyqtyq keńestiń tóraǵasy, QR Parlamenti Májilisiniń depýtaty Nurlan Ábdirovtiń pikirinshe, zııaly ult uǵymy bilim men daǵdylardy qoldaný qabileti retindegi tehnokrattyq qubylys turǵysynda ǵana beınelenbeýge tıis. Bul ýaqyttyń rýhanı synaqtaryna jaýap berýge úndeıtin qundylyqty mádenıet. Osy maǵynasynda ol qazirgi zamanǵy ulttyq mádenıet retinde tanylýǵa tıis, ony qalyptastyrý mindetteri de bizdiń qoǵamymyzdyń aldynda tur.
