«Nur Otanǵa» júgingen 190 myń adamnyń 96 paıyzynyń máselesi sheshildi - Muhtar Qul-Muhamed
Muhtar Qul-Muhamed óz sózinde Memleket basshysy usynǵan «Rýhanı jańǵyrý» baǵdarlamasy qazaq qoǵamynyń damýyna serpin berip, erekshe qımyl-qozǵalys ákelgenin atap ótti.
«Qoǵamdyq sanaǵa qozǵaý salýǵa, partııanyń barlyq resýrstary men aktıvteri jumyldyryldy. «Rýhanı jańǵyrýǵa» arnalǵan respýblıkalyq jobalyq ofısinde turaqty jumys isteý úshin arnaıy partııa hatshysy belgilenip, áleýmettik jeli jáne túrli mesendjerlerde jumys kúsheıtildi. Sanadaǵy serpilistiń irgetasy sanalatyn qazaq álipbıin latyn qarpine kóshirýdi halyq arasynda keńinen nasıhattaýdy partııa da óziniń kúndelikti jumysynda basty nazarda ustaýda», - deıdi Muhtar Qul-Muhamed.
«Nur Otan» partııasy Tóraǵasynyń birinshi orynbasarynyń aıtýynsha, Elbasynyń tapsyrmasy boıynsha búgingi bastalǵan isti erteń nyq senimmen alǵa aparatyn partııanyń kadrlyq rezervin jasaqtaý jumysy sátti atqarylýda.
«Ortalyq jáne jerigilikti deńgeıde 3052 partııa múshesinen turatyn partııalyq rezerv jasaldy. Túrli jaǵdaılarmen jumyssyz qalǵan partııa múshelerine deıin qamqorlyq kúsheıtilip, bir jyldyń ishinde mundaı qatardaǵy partııa músheleriniń sany 4 esege deıin qysqardy. Partııanyń Ortalyq jáne óńirlerdegi qoǵamdyq qabyldaý jumystary jańa formatqa kóshirilip, ótinishter skaıp, vatsap, elektrondy poshta arqyly da qabyldana bastady. Elimizdiń kez kelgen óńirinen ınternet-kommýnıkatsııalar arqyly partııaǵa shyǵý múmkindigi týdy. Buǵan sizdiń «Tsıfrlyq Qazaqstan» baǵdarlamasynyń oıdaǵydaı júzege asýy kóp múmkindik týǵyzyp otyr», - deıdi ol.
Muhtar Qul-Muhamed osy rette 10 aıdyń ishinde 190 myń adam partııaǵa ótinish túsirgenin, olardyń máselesin sheshý úshin qoǵamdyq qabyldaýynda depýtattarmen qatar, mınıstrliktiń ókilderi kelip, qarapaıym halyqtyń suraqtaryna jaýap bergenin jetkizdi.
«Eń bastysy, sol ótinishter jerde qalmaı, 96 paıyzy sheshimin tapty. Jalpy jazylýshylary 6 mıllıonnan astam elimizdegi asa tanymal blogerlermen yntymaqtasa otyryp, jumys isteýdiń nátıjesinde partııanyń Feısbýktaǵy jaqtastarynyń sany 5,8 ese, Instagramda 3,1 ese, Tvıetterde 1,6 esege deıin artty. Partııanyń halyqaralyq baılanysy da nyǵaıa tústi. Álemdegi ozyq tájirıbelerdi úırený maqsatynda Ulybrııatanııa, Japonııa men Sıngapýr elderiniń jetekshi partııalarynyń basshylarymen kezdesý ótkizip, olardyń oń tájirıbeleri partııalyq praktıkaǵa batyl engizilýde», - deıdi «Nur Otan» partııasy Tóraǵasynyń birinshi orynbasary.
Eske sala ketsek, Astanada búgin Elbasy Nursultan Nazarbaevtyń tóraǵalyǵymen «Nur Otan» partııasy Saıası keńesiniń keńeıtilgen otyrysy bastaldy. Otyrystyń kún tártibinde partııanyń 2017 jyldyń 10 aıynda elimizdiń saıası, ekonomıkalyq jáne rýhanı jańǵyrýy aıasynda atqarǵan jumysy, sonymen qatar «Nur Otan» partııasy Saıası keńesi bıýrosynyń quramyna ózgertýler engizý máselesi qaralyp jatyr.
