«Nur Otanǵa» qýatty qoldaý» - respýblıkalyq basylymdarǵa sholý
***
«Keshe, jeksenbiden dúısenbige qaraǵan túngi saǵat 24.00-de Memleket basshysy Nursultan Nazarbaev «Nur Otan» HDP respýblıkalyq saılaýaldy shtabynda boldy. Onda Memleket basshysy shtab múshelerimen, partııalas seriktesterimen, senim bildirilgen adamdarmen, jurtshylyq ókilderimen, eriktilermen, sondaı-aq jastarmen kezdesti», - dep jazady «Egemen Qazaqstan» gazeti dúısenbilik sanyndaǵy «Nur Otanǵa» qýatty qoldaý» taqyrybyndaǵy maqalasynda. «Qymbatty seriktesterim, shtab músheleri, partııalastarym! Qazir ǵana biz ekzıt-pýlldyń nátıjelerin bilip otyrmyz. Bizdiń partııa senimdi nátıjelerimen, úlken aıyrmashylyqpen jeńiske jetti. Bul bizdiń baǵdarlamamyz, bizdiń júrgizgen jumystarymyz halyqtyń qoldaýyna ıe bolǵanyn bildiredi. Olar bizdi qoldady, olar bizben birge, olar bizge degen senimin arttyra túsýde. Endi bizdiń aldymyzda ózimizdiń «Qazaqstan-2017» baǵdarlamamyzdy oryndaý, qazaqstandyqtar jaqsy turýy, ekonomıkalyq ósý, bizdiń táýelsizdigimizdiń nyǵaıýy úshin barlyq isti júzege asyrý mindeti tur», - dedi Memleket basshysy partııalas seriktesterimen kezdesýi barysynda.
***
Qazaqstan Respýblıkasynyń Syrtqy ister mınıstri Erjan Qazyhanov AQSh-tyń Memlekettik hatshysy Hılları Klıntonmen telefon arqyly sóılesti. Suhbat barysynda taraptar ekijaqty strategııalyq seriktestiginiń bolashaǵyn talqylady. Bul jaıynda «Egemen Qazaqstan» gazetinde jarııalanǵan «Hılları Klınton: Qazaqstandaǵy zańdylyq ulyqtylyǵy» degen taqyryptaǵy maqalada aıtylǵan. Qazaqstan jáne AQSh syrtqy saıası vedomstvolarynyń basshylary dıplomatııalyq qatynastardy ornatý kúninen beri 20 jyldyń ishinde eki memleket uzaq joldy eńserip, keń aýqymdy yntymaqtastyqty ári qaraı nyǵaıtý jolynda baıandy negizder qalaǵanyn atap ótti. Bul yntymaqtastyq qaýipsizdik, jappaı qyryp-joıatyn qarý-jaraqtardy taratpaý, energetıka, ekonomıkalyq damý, aımaqtyq turaqtylyq jáne demokratııalyq úderisterdi damytý sııaqty salalardy qamtýda.
***
«Kazahstanskaıa pravda» gazetiniń jazýynsha, «Strategııa» áleýmettik zertteýler ortalyǵy» qoǵamdyq qorynyń Exit-poll ádisi boıynsha júrgizgen saýalnamanyń qorytyndy nátıjesinde Parlament Májilisi depýtattaryn saılaýdaǵy 7 paıyzdyq shekti «Nur Otan», «Aq jol» jáne Qazaqstannyń Kommýnıstik halyq partııasy eńsere aldy. «Bizdiń zertteýlerimizdiń nátıjesi boıynsha «Nur Otan» halyqtyq-demokratııalyq partııasy - 81,3 paıyz; Qazaqstannyń «Aq jol» demokratııalyq partııasy - 7,2 paıyz; Qazaqstannyń Kommýnıstik halyq partııasy (QKHP) - 7,1 paıyz; Jalpyulttyq sotsıal-demokratııalyq partııasy (JSDP) - 1,5 paıyz; Qazaqstannyń sotsıal-demokratııalyq «Aýyl» partııasy - 1,2 paıyz; «Ádilet» demokratııalyq partııasy - 0,9 paıyz daýys jınady»,- deıdi atalǵan qordyń dırektory Gúlmıra Ileýova.
