«Nur Otan» Joldaýdyń júzege asyrylýyna qoǵamdyq baqylaý júrgizedi
Pikirtalas otyrysyn ashqan «NurOtan» partııasy Tóraǵasynyń birinshi orynbasary Máýlen Áshimbaev Elbasynyń Joldaýyn júzege asyrý elimizdiń kún tártibinde turǵan basty mindet ekenin aıtyp, bul qujat ár qazaqstandyqtyń áleýmettik jaǵdaıyn jaqsartýǵa baǵyttalǵanyna nazar aýdardy. Sonymen qatar ol «Nur Otan» partııasynyń Joldaý basymdyqtarynyń júzege asyrylýyna qoǵamdyq baqylaý júrgizetinin tilge tıek etip, osy baǵyttaǵy tıimdi tetikterge toqtalyp ótti.
Atap aıtqanda, Memleket basshysynyń Joldaýyn júzege asyrý úshin Jalpyulttyq is-sharalar jospary bekitilgeni belgili. Sonyń aıasynda alty blok boıynsha shamamen 100 is-shara ótkizilmek. Olar halyq tabysynyń ósýi, turmys sapasyn arttyrý, ómir súrýge jaıly orta qalyptastyrý, azamattar suranysyna beıimdelgen memlekettik apparat, tıimdi syrtqy saıasat jáne árbir qazaqstandyqtyń elimizdegi ózgeris úderisterine atsalysýy sııaqty baǵyttar boıynsha iske asyrylmaq.
Elbasy bastamalarynyń qarjylaı kólemi 1,5 trıllıon teńgeden asady. Al jıyntyq áseri odan da kóbirek.
Osy oraıda sarapshylar munyń halyqtyń ómir súrý deńgeıin arttyrýǵa zor serpin beretinin sóz etti. Sondyqtan shyn máninde bul reformalardy baqylaý tetikterin kúsheıtýdiń mańyzy zor. Bul turǵyda Memleket basshysy alǵa qoıǵan mindetterdi nátıjeli júzege asyrý úshin Úkimet pen memlekettik organdarǵa jyl sońyna deıin naqty ındıkatorlar men jol kartasyn daıarlap, reformalar úshin qajetti zań jobalaryn Parlamenttiń qaraýyna ýaqytyly joldaýdy tapsyrdy.
Osyǵan oraı Prezıdent Ákimshiliginde Elbasy tapsyrmalarynyń oryndalýyn qatań baqylap, tekserip, júıeli júzege asyrylýyn talap etetin jáne sol boıynsha Memleket basshysyna esep beretin Ulttyq jańǵyrý keńsesin qurý josparlanyp otyr.
Esterińizge sala keteıik, 2018 jylǵy 5 qazandaǵy Qazaqstan Resýpblıkasynyń Prezıdenti Nursultan Nazarbaev Qazaqstan halqyna Joldaýyn jarııalady.
