«Nur Otan» zamanaýı turpatty partııaǵa aınaldy - senator

ASTANA. QazAqparat - «Nur Otan» partııalyq keńistikte negizgi mindetin atqarýǵa qaýqarly boldy. Bul týraly Parlament Senatynyń depýtaty Baqytjan Jumaǵulov málim etti, dep habarlaıdy QazAqparat.

«Bıyl «Nur Otan» partııasynyń 20 jyldyǵy atap ótilýde. Osy ótken ýaqytta partııa qazirgi zamanǵy ómirge laıyqty deńgeıde qalyptasý men óziniń róline ıe bolý jolyn eńserdi. «Nur Otan» barsha elmen birge nyǵaıdy. Atalǵan merzimde ol óziniń damý joldaryn, saıası ómirdegi rólin tyńǵylyqty zerdelep, eldegi partııalyq keńistikte negizgi mindetin atqarýǵa qaýqarly boldy. Nátıjesinde, «Nur Otan» jańa ári zamanaýı turpatty partııaǵa aınaldy, sondaı-aq Elbasy Nursultan Nazarbaevtyń strategııalyq baǵdarynyń tıimdi jetekshisi bola aldy», - dep atap ótti senator.

B. Jumaǵulovtyń paıymynsha, búginde partııa el damýynda saıası mańyzdy tetikterdiń biri retinde ózin kórsete aldy. Bul turǵyda Úkimetti qalyptastyrýǵa qatysý, Qazaqstan Prezıdentiniń bastamalaryn alǵa ilgeriletý baǵytynda eleýli úles qosyp keledi.

«Bıyl 27 aqpan kúni «Nur Otan» partııasynyń kezekti XVIII sezi ótetini málim. Osy shara barysynda partııanyń saıası ómirge qatysý qadamdary, sonymen birge, áleýmettik ári ekonomıkalyq damý jáne qazaqstandyqtardyń ómir súrý sapasyn jaqsartý máselelerine aıryqsha ekpin qoıylady dep oılaımyn», - dedi Baqytjan Jumaǵulov.

Foto: ult.kz