«Nur Otan»: Ulttyq qundylyqtar ulyqtalady
Búgin A.Toqpanov atyndaǵy Jambyl oblystyq qazaq drama teatrynda ótken keleli jıynda bul týraly keńinen qamtyldy. Mádenıet jáne óner salasynyń qyzmetkerlerimen ótken kezdesýge «Nur Otan» partııasy Jambyl oblystyq saılaýaldy shtaby qoǵamdyq qabyldaý bóliminiń meńgerýshisi Qasymhan Tólendıev, Qazaqstan Respýblıkasy Parlamenti Májilisiniń depýtattyǵyna kandıdat Meırambek Tólepbergen, Jambyl oblystyq máslıhatynyń depýtattyǵyna kandıdat Muqash Eskendirov, Taraz qalalyq máslıhatynyń depýtattyǵyna kandıdat Elmıra Myrza-Ǵalı qatysty.
Júzdesýde ulttyq qundylyqtardy ulyqtaý týrasynda áńgime órbip, «Nur Otan» partııasynyń saılaýaldy baǵdarlamasy tanystyryldy. Pratııanyń alǵa qoıyp otyrǵan maqsaty aıqyn. Onyń ishinde «Baqytty otbasy» partııalyq jobasyn iske asyrý, otbasynyń rólin arttyrý jáne otbasylyq qundylyqtardy nyǵaıtý maqsatynda túrli aktsııalar men sporttyq sharalar ótkizý, tarıhı-mádenı murany saqtaý, qalada týyp-ósken kórnekti tulǵalardyń óneri men muralaryn damytý baǵytynda naqty júmystar júrgizilmek.
Sonymen qatar partııa qoǵamnyń sanasyn jańǵyrtýǵa baǵyttalǵan jobalar men is-sharalardy júzege asyrýǵa, aqyndar aıtysy, ulttyq sport túrlerinen jarystar ótkizý arqyly qazaqstandyq patrıotızmdi nyǵaıtýǵa, birlikti, konfessııaaralyq jáne ultaralyq kelisimdi nyǵaıtý jónindegi etnomádenı jáne dinı birlestikterdiń qyzmetin qoldaýǵa yqpal etedi. Sondaı-aq qalanyń qasıetti jáne kórnekti jerlerine tarıhı-ólketaný ekspedıtsııalaryn júrgizýge kúsh salatyn bolady.
Basqosý barysynda týyndaǵan suraqtarǵa kandıdattar tarapynan naqty jaýaptar berildi.
«Nur Otan» partııasy Taraz qalalyq saılaý qorynyń qarajatynan tólendi
