Nur Otan Syrdarııa aýdanynyń ákimin partııalyq jaýapkershilikke tartty

QYZYLORDA. QazAqparat - Qyzylorda oblysy Syrdarııa aýdanyna qarasty Asqar Toqamaǵambetov atyndaǵy aýylda «Asqar Toqmaǵambetov Jer» JShS úleskerleriniń eki toby arasynda olardyń bir bóliginiń seriktestik quramynan shyǵý týraly sheshimge baılanysty janjal týyndaǵan, dep habarlaıdy QazAqparat.

«Nur Otan» Partııalyq baqylaý komıtetiniń deregine súıensek, qazirgi ýaqytta bul daý shıelenisip, áleýmettik sıpat alǵan. Atap aıtqanda úleskerler men kompanııa ókilderi arasynda qaqtyǵystar oryn aldy. Jergilikti atqarýshy organdar tarapynan tıisti sharalar qabyldanbaǵany aıtyldy.

«Aýdan ákimi, partııa fılıalynyń tóraǵasy atalǵan máseleni sheshýde áreketsizdik tanytty. Osyǵan baılanysty, shıelenisti jaǵdaıdyń áli de jalǵasyp jatqanyn jáne tıisti sharalardyń qabyldanbaýyn eskere otyryp, oblystyq partııalyq baqylaý komıssııasy Syrdarııa aýdandyq partııa fılıalynyń tóraǵasy, aýdan ákimi Talǵat Dúısebaevqa eskertý túrinde partııalyq jaza qoldandy», - deıdi «Nur Otan» Partııalyq baqylaý komıtetiniń tóraǵasy Artýr Platonov.