«Nur Otan» sezinde Qazaqstannyń áleýmettik memleket ekeni dáleldendi - senator Sergeı Ershov

ASTANA. QazAqparat - Búgingi tańda biz QR Prezıdenti Nursultan Nazarbaev bastaǵan «Nur Otan» eki onjyldyqta adamdardyń ómir súrý sapasyn jaqsartý úshin aýqymdy reformalardy dáıekti túrde júzege asyryp kele jatqan tanymal partııaǵa aınalǵanyn nyq senimmen aıtamyz. Senat depýtaty Sergeı Ershov osyndaı pikir bildirdi, dep habarlaıdy QazAqparat.

Sezd delegattary «Nur Otan» partııasynyń 2030 jylǵa deıingi damýynyń jańa baǵdarlamasyn qabyldady. Onda strategııalyq maqsattyń aýqymy men aldaǵy onjyldyqtaǵy qoǵam men memleket damýynyń negizgi baǵyttary aıqyndalǵan.

Memleket basshysynyń áleýmettik qoldaýdy kúsheıtý jáne Qazaqstan azamattarynyń ál-aýqatyn jaqsartý jónindegi aýqymdy sharalary usynylǵan «Nur Otan» partııasynyń XVIII sezi tarıhqa endi. Halyqtyń ómir súrý deńgeıi men sapasyn kóterý, az qamtylǵan azamattardyń turǵyn úı máselelerin sheshý, bilim berý men densaýlyq saqtaýdy jaqsartý, óńirlerdi keshendi damytýdyń birinshi kezektegi mindetteri belgilendi. Osylaısha, halyqty memlekettik qoldaýdyń aýqymdy sharalary iske asatyn bolady.

Qomaqty áleýmettik ınvestıtsııalar halyqtyń memlekettik qoldaýdy qajet etetin ártúrli toptaryn qamtıdy, onyń ishinde tabysy tómen otbasylar da bar. Kúnkóristiń tómengi deńgeıi boıynsha ataýly kómek kórsetý shegin 70 paıyzǵa arttyrý arqyly tabysy az otbasylardy qoldaý aýqymy ulǵaıady. Kóp balaly otbasylardaǵy árbir balaǵa eń tómengi tólem 20 789 teńgeni quraıdy. Sonymen qatar, múgedektigi bar balalardy tárbıeleıtin ata-analarǵa, qamqorshylarǵa jáne otbasylarǵa (tulǵalarǵa) beriletin jeárdemaqylar 30 paıyzǵa artady. 2019-2021 jyldarda bul sharalarǵa 300 mıllıard teńgeden astam qarjy bólinedi.

Sondaı-aq, memlekettik qoldaý kópbalaly otbasylardyń eresek múshelerin jumyspen qamtamasyz etýdi de qamtıdy.

Odan basqa, azamattar úshin turǵyn úıge qol jetkizý múmkindikterin arttyrý jónindegi jumystar kúsheıe túsedi. «Nurly jer» baǵdarlamasy aıasynda kóp balaly, az qamtylǵan otbasylarǵa arnap 40 myńnan astam jalǵa beriletin páterler salynatyn bolady. Sol úshin jyl saıyn 50 mıllıard teńge qosymsha bólinedi. Sonymen qatar, osy sanattaǵy adamdar úshin Memleket basshysy Turǵyn úı qurylysy jınaq banki júıesi arqyly jylyna 2-3 paıyzdyq turǵyn úı qaryzyn berýdiń jeńildetilgen tetigin ázirleýdi tapsyrdy.

«Nur Otan» partııasynyń sezi Qazaqstannyń óz azamattarynyń ál-aýqatyn qamtamasyz etýge baǵyttalǵan erekshe úlgidegi áleýmettik memleket ekenin taǵy da dáleldedi.