«Nur Otan» praımerızine úmitker múmkindigi shekteýli azamattar onlaın-konferentsııada bas qosty
Qatysýshylar arasynda praımerızge úmitkerler – múmkindigi shekteýli azamattar bar. Olar úlken erik-jigerdiń, ómirlik belsendiliktiń, jumys isteý jáne qoǵamǵa paıdaly bolýdyń úlgisin pash etip keledi.
Konferentsııany «Almaty qalasy múgedekter uıymdarynyń qaýymdastyǵy» zańdy tulǵalar birletiginiń tóraıymy Lázzat Qaltaeva júrgizdi.
«Jergilikti jerler bolsyn, ortalyq bolsyn, kúndelikti ómirde, ártúrli problemalarǵa tap bolǵan jáne olardy jeńip shyqqan, ómirlik ustanymy bar azamattar depýtattar arasynda neǵurlym kóp bolsa, sheshim qabyldaý retsepterin biletin bolady. Bul bizdiń elimiz úshin paıdaly bolatynyna senimdimin», - dedi Arman Qyryqbaev.
Onyń aıtýynsha, praımerız – úlken múmkindik, sondyqtan bul suraqqa baıyppen qaraý kerek.
«Nur Otan» partııasy erekshe qajettilikteri bar adamdardyń ómir súrý sapasyn arttyrý máselelerine árqashan kóńil bóledi. Óıtkeni, partııanyń eń joǵary qundylyqtary – adam jáne onyń quqyqtary men bostandyqtary, bul Saıası doktrınada kórsetilgen.
2014 jylǵy 17 qańtarda QR Tuńǵysh Prezıdenti, partııa Tóraǵasy N.Á. Nazarbaev «Qazaqstan joly – 2050» atty Qazaqstan halqyna jyl saıynǵy Joldaýynda «Nur Otan» partııasyna múmkindigi shekteýli adamdardyń ómir súrý sapasyn arttyrý boıynsha jumysqa jetekshilik etýdi tapsyrdy. Sol jyly «Kedergisiz keleshek» jobasy iske qosyldy.
«Teń múmkindikter álemi» múgedek balalardyń ata-analar qoǵamy» QB basshysy Nurgúl Uljekova onlaın-konferentsııa barysynda erekshe adamdardyń ómirin ózgertý múmkindigin praımerızden kóretinin atap aıtty.
«Meniń partııaǵa degen senimim «Kedergisiz keleshek» partııalyq jobasynyń jemisti júzege asyrylýy barysynda arta tústi. Óz balama ǵana emes, erekshe qalaýlary bar myńdaǵan balalarǵa kómektesýge degen analyq ynta-jigerim sońǵy 4 jylda ınklıýzıvti sporttyq sektsııalardy tegin ótkizýime sebep boldy. Búgingi tańda bizdiń sektsııada múgedektiktiń túrli formasyndaǵy 150 bala bar, taǵy 200-ge jýyǵy kezekte tur. Sebebi olardy qarapaıym sporttyq sektsııalar qabyldamaıdy. Bul júıeli problemaǵa aınalǵan. Praımerız arqyly men osy problemaǵa nazar aýdartyp, vedomstvoaralyq ózara is-qımyldyń daıyn algorıtmin jáne múgedektigi bar adamdar arasynda buqaralyq sportty damytýǵa, sondaı-aq ınklıýzıvti bilim berý men áleýmettik qorǵaýǵa qatysty normatıvtik-quqyqtyq aktilerge birqatar tolyqtyrýlardy usynǵym keldi», - dedi ol.
Nurgúl Uljekovanyń aıtýynsha, praımerızge qatysý – el úshin odan da kóp paıda ákelýdiń zor múmkindigi.
«Biz de adambyz» QB tóraıymy Gúlnaz Qosmurzıeva onlaın-konferentsııa barysynda halyqtyń áleýmettik osal toptarynyń múddelerin qoldaý múmkindigin praımerızden kórip otyrǵanyn aıtty.
«14 jyldan astam ýaqyt boıy men múgedekter arbasyn paıdalanamyn, soǵan qaramastan, barynsha ómir súrýge jáne qalamyzdyń máselelerin sheshýge belsendi qatysýǵa tyrysyp júrmin. Men halyqtyń áleýmettik osal toptarynyń múddelerin qoldaý úshin praımerızge qatysamyn. Ekinshi jaǵynan, árqaısymyz jaýapkershilikti moınymyzǵa alyp, masyldyqpen kúrese bilýimiz kerek. Biz, múgedektigi bar adamdar, qoǵamǵa paıdaly bola alatynymyzdy kórsetýimiz qajet. Muny men óz mysalymda kórsetkim keledi», - dedi Gúlnaz Qosmurzıeva.
Shymkent qalasynyń turǵyny, «Bala times» balalar týraly aqparattyq portalynyń bas redaktory Janel Jumalınova «Nur Otan» partııasynyń praımerızine qatysatynyn málimdedi.
«Meniń baǵdarlamam «Inklıýzıvti eriktilik arqyly ınklıýzıvti qoǵam qurý» dep atalady. Ol bizdiń balalarymyzdyń Qazaqstannyń tolyqqandy azamattary bolýy úshin ómirdiń barlyq salalaryn qamtıdy. Biraq men osyndaı ata-analardyń turǵyn úı máselesine qatysty suraqtarǵa toqtalǵym keledi. Osydan eki aı buryn, múgedektigi bar balalardy tárbıelep otyrǵan otbasylardyń turǵyn úıge qol jetimdiligi boıynsha zertteý júrgizdim. Nátıjesinde 2 237 adam qatysty. Ókinishke oraı, qatysqan respondentterdiń 81%-nyń baspanasy joq. Mundaı otbasylardyń 60%-y turǵyn úıdi jalǵa alady, al 25%-y týystarymen turady. Osyǵan baılanysty neni ózgertkim keledi jáne usynǵym keledi? Eger Shymkent qalalyq máslıhatynyń depýtaty bolsam, birinshi kezekte óńirlik baǵdarlama daıyndaǵym keledi», - dedi Janel Jumalınova.
Onlaın kezdesý barysynda eki jas jigit praımerızge qatysatynyn málimdedi. Qaraǵandy qalasynyń turǵyny, «Qamqor plus» múgedekter qoǵamdyq birlestiginiń tóraǵasy Nııaz Súndetalıev «Nur Otan» partııasynyń praımerızine qatysý týraly óz sheshimin ZOOM-konferentsııa barysynda jarııa etti.
«Men áriptesterim men partııalastarymnyń qoldaýyna súıene otyryp, praımerızge qatysamyn dep sheshim qabyldadym», – dedi Nııaz Súndetalıev.
Aqtóbe qalasynyń turǵyny, «Pandýs-OK» JShS negizin qalaýshy jáne basshysy Shahan Joldasbaev «Nur Otan» partııasynyń praımerızine qatysatynyn habarlady.
«Ózgeristi ózimizden bastaý kerek» – dál osyndaı uranmen «Nur Otan» partııasynyń praımerızine qatysamyn», - dedi ol.
Aqmola oblysy Býrabaı aýdanynyń depýtaty Qanat Baıbýrov praımerız múgedek adamdardyń problemalaryn jańa deńgeıge shyǵarýǵa múmkindik beretinin málimdedi.
«Depýtattyq korpýsta biz sııaqty jigitter bolǵanyn qalaımyn. Men aýdandyq depýtattyq korpýsqa ekinshi merzim saılandym. Kóptegen suraqtardy ishteı zerttedim, kóptegen quraldardy usyndym. Men úshin praımerız múgedektigi bar adamdardyń máselelerin neǵurlym keń aýqymda – oblystyq deńgeıge shyǵarýdyń biregeı múmkindigi bolǵanyn qalaımyn. Bizdiń depýtattyq korpýsqa qatysýymyz múmkin emes eshteńe joq ekenin kórsetedi. Muny ári qaraı da óz qyzmetimdi oblys kóleminde jalǵastyrǵym keledi», - dedi Q. Baıbýrov.
Esterińizge sala keteıik, buǵan deıin Elbasy, Partııa Kóshbasshysy Nursultan Nazarbaev óziniń vıedoúndeýinde Nur Otan-nyń jaqtastaryn jáne partııalastardy elimiz úshin mańyzdy saıası oqıǵaǵa belsene qatysýǵa shaqyrdy.
17 tamyzda elimizdiń barlyq aımaqtarynda «Nur Otan» partııasynyń praımerızderine kandıdattardy usyný jáne tirkeý bastaldy. Qazirgi ýaqytta alty myńnan astam adam partııaishilik irikteýge qatysýǵa nıet bildirdi.
Úgit-nasıhatqa daıyndalý úshin kandıdattarǵa 31 tamyzdan 6 qyrkúıekke deıin 7 kún bólinedi.
7 qyrkúıek pen 3 qazan aralyǵynda kandıdattardyń úgit-nasıhat jumystary, sonyń ishinde 14-30 qyrkúıek aralyǵynda kópshilikke jarııa debattar ótedi. Debattar «Praımerız» arnaıy aqparattyq júıesi arqyly partııanyń resmı akkaýnttarynda kórsetiledi.
