«Nur Otan» praımerızi: ShQO-da 18 kópbalaly ana depýtattyqqa úmitker

ÓSKEMEN. QazAqparat – Shyǵys Qazaqstan oblysynda «Nur Otan» partııasynyń praımerızine qatysýǵa 1065 adam ótinish bildirdi. Bul týraly Óńirlik kommýnıkatsııalar qyzmetinde ótken brıfıng barysynda partııanyń óńirlik fılıaly tóraǵasynyń birinshi orynbasary Oleg Chýgýnkov aıtty, dep habarlaıdy QazAqparat tilshisi.

Málim etilgendeı, 1065 kandıdattyń 18-i – kópbalaly analar.

«Praımerızge qatysýshylardyń 41% - áıelder, 23,4% - jastar. Sonyń ishinde Úrjar aýdany, Qabanbaı aýylyndaǵy aýrýhanada jalpy tájirıbelik dáriger bolyp jumys isteıtin kópbalaly ana bar. Úmitkerler arasynda eń jasy 18-de bolsa, eń úlkeni 73-te. Erejege sáıkes kámelettik jasqa endi tolǵan jasóspirimder qabyldanbady», - dedi ol.

Oleg Chýgýnkovtyń aıtýynsha, aımaqtaǵy azamattardyń praımerızge degen qyzyǵýshylyǵy joǵary.

«Bul jerlesterimizdiń mańyzdy saıası sharaǵa beı-jaı qaramaıtynyn ańǵartady. Biz osy praımerız jumystaryna qatysyp jatqan azamattardy kelesi kezeńderde de belsendi bolýǵa shaqyramyz», - dedi ShQOF tóraǵasynyń birinshi orynbasary.

14 qyrkúıek kúni pikirsaıys uıymdastyrylmaq. Oǵan kandıdattar mindetti túrde qatysýy tıis. Kandıdattarǵa basqa úmitkerlerge qarsy úgit-nasıhat jumystaryn júrgizýge tyıym salynady. Sonymen qatar olar jeke qarajattary esebinen úgit-nasıhat jumystaryn ótkize alady.