«Nur Otan» partııasynyń janynan ÚEU-men baılanys keńesi qurylady

ALMATY. QazAqparat - «Nur Otan» partııasy «Kedergisiz bolashaq» jobasynyń aıasynda múmkindigi shekteýli jandarǵa kóp kóńil bólýde. Bul týraly Almatyǵa jumys sapary barysynda partııanyń birinshi orynasary Máýlen Áshimbaev aıtty, dep habarlaıdy QazAqparat.

«Mıloserdıe» qoǵamdyq qorynyń qamqorshylyq keńesiniń májilisinde Máýlen Áshimbaev «Nur Otan» partııasynyń janynan úkimettik emes uıymdarmen baılanys keńesi qurylatynyn aıtty.

«Ótken jyly qor ókilderi kóptegen sharalardy atqardy. Júzdegen bala em aldy. Ol balalardyń barlyǵy deni saý azamat bolyp ósetinine men senimdimin. Qor qyzmetkerleriniń arqasynda balalar ata-analarymen alǵash ret júzdesti. Qanshama bala otbasyna bardy. Osynyń barlyǵyn adamadar jasady. Men olardy maqtan etemin. Qor bizdiń qoǵamymyzdy az da bolsa meıirimdi etýge yqpal etti. Qaıyrymdylyq kórsetetin azamattar sany artty. Bizdiń áriptester búgingi aıtylǵan ótinishterdiń barlyǵy boıynsha shara qoldanýǵa yqpal etedi»,-dedi Máýlen Áshimbaev.

Sonymen qatar partııa tóraǵasynyń birinshi orynbasary partııa ókilderiniń múmkindigi shekteýli jandarǵa qol ushyn sozyp, olardy jumysqa ornalastyrý, ınklıýzıvti bilim berýge kúsh salatynan aıtty.