«Nur Otan» partııasynyń Túrkistan oblystyq fılıaly 55 balany mektepke daıyndady
Respýblıkalyq «Mektepke jol» aktsııasy aıasynda uıymdastyrylǵan is-sharaǵa qatysqan «Nur Otan» partııasy Túrkistan oblystyq fılıaly tóraǵasy birinshi orynbasarynyń mindetin atqarýshy Qalıma Jantóreeva kópshilikti jańa oqý jylynyń bastalýymen quttyqtady. Sondaı-aq, ár balaǵa sómkege salynǵan keńse zattary men mektep formalaryn tabys etti.
Aıta keteıik, «Mektepke jol» aktsııasy az qamtylǵan jáne kóp balaly otbasylardyń oqýshylaryna kómek kórsetýge jáne áleýmettik sebepter boıynsha balalardyń mektepke barmaýynyń aldyn alýǵa baǵyttalǵan.
«Partııa jyl saıyn bul aktsııaǵa dástúrli túrde atsalysyp keledi. Bizden kómek surap, qoldaý kútetin óńir turǵyndary jeterlik. Biz únemi bar resýrsty paıdalanyp, demeýshiler tartý arqyly kómektesip kelemiz. Sonyń ishinde mektep oqýshylaryn mektepke daıarlaý – mindetti kómek dep sanaımyn. Olar bizdiń erteńgi bolashaǵymyz, keleshekti damytar urpaq. Biz olardyń eshteńeden kem qalmaı, bilim alýyna barynsha jaǵdaı jasaýymyz kerek. Muny jarııalamasaq ta bolar edi, degenmen, ózge áriptesterimiz ben kásipkerlerge úlgi bolsa deımiz. Aktsııa 30 qyrkúıekke deıin barlyq fılıaldarymyzda da jalǵasatyn bolady. Jyl basynan beri «Nur Otan» partııasy oblystyq fılıalynyń qoǵamdyq bólmesine kómek surap 50 oqýshy tirkelgen. Sonymen qatar, «Jas Otan» jastar qanatynyń qamqorlyǵynda 5 oqýshy bar. Jalpy búgin 55 balaǵa qýanysh syılap otyrmyz» – deıdi, «Nur Otan» partııasy Túrkistan oblystyq fılıaly tóraǵasynyń birinshi orynbasarynyń mindetin atqarýshy Qalyıma Jantóreeva.
Jıynda kóp balaly ana Aıjan Baqtybaeva ıgi iske uıytqy bolyp otyrǵan partııa qyzmetkerlerine kópshilik atynan alǵys aıtty.
