«Nur Otan» partııasynyń saılaý baǵdarlamasyn júzege asyrýǵa jaýaptylar aıqyndaldy
«Jol kartasy partııamyzdyń saılaýaldy baǵdarlamasynyń maqsattaryna qol jetkizýdiń naqty joldaryn qamtıdy. Bul jerde halyqtyń barlyq sanatynyń múddesi eskerilgen. Kishisinen bastap úlkenine deıin barlyǵy qamtylyp otyr. Bul – áleýmetitk qamsyzdandyrý, densaýlyq saqtaý, bilim berý, ónerkásip, ShOB. Olardyń barlyǵynda naqty qadamdar júzege asyrylyp, balalar men áıelderge de nazar aýdarylǵan. Jol kartasynń árbir tarmaǵynyń oryndalýyna qatań baqylaý qajet», - dedi Nurlan Nyǵmatýlın.
Osy rette Májilis spıkeri bul el basshylyǵynyń tapsyrmasy ekendigin basa aıtty.
«Biz osynaý Jol kartasynyń oryndalýyna monıtorıng pen baqylaýǵa, úılestirý men baqylaýǵa basymdyq jasaýymyz qajet. Eń aldymen úsh taraptan úılestirýshiler aıqyndalǵan. Úkimet tarapynan – Premer-Mınıstrdiń birinshi orynbasary Álıhan Smaıylov, bizdiń fraktsııa tarapynan – Májilis tóraǵasynyń orynbasary, fraktsııa jetekshisiniń orynbasary – Pavel Kazantsev, ortalyq apparat tarapynan – partııa hatshysy Marat Sembekov. Buǵan qosa, baqylaý deńgeıler de naqty bólingen. Oryndalýynyń qazirgi mártebesine turaqty baqylaý bolady. ıAǵnı, árbir kezekti jyldyń basynda, demek aqpanda. Saılaýaldy mindettemelerdiń oryndalýy boıynsha ótken jyldyń qorytyndysy shyǵarylyp otyrady. Ár jyldyń aqpanynda, statıstıkany alǵannan keıin ony fraktsııa jıynynda qarap, ótken jyldaǵy saılaýaldy baǵdarlamanyń oryndalýyn talqylaımyz. Partııamyzdyń kóshbasshysyna, jalpy Qazaqstan halqyna qandaı nátıjelerge qol jetkizilgendigi, qandaı táýekelder týyndaǵany jaıynda esep beremiz», - dedi Nurlan Nyǵmatýlın.
