«Nur Otan» partııasynyń saıası keńesi 55%-ke jańardy

NUR-SULTAN. QazAqparat – «Nur Otan» partııasy óz saıası keńesindegi ózgerister týraly aıtyp berdi, dep habarlaıdy QazAqparat.

«389 delegattyń 389-y Saıası keńes quramynyń ózgeristerine daýys berdi. Oǵan partııa músheleriniń sanyna proportsıonaldy túrde barlyq óńirdiń ókilderi endi. Jalpy, partııanyń joǵary ókildi organy 55%-ke jańardy», - dep jazylǵan partııa habarlamasynda.

Partııanyń baspasóz qyzmetiniń habarlaýynsha, áıelderdiń úlesi 33,7%-ke deıin ósti. 35 jasqa deıingi jastardyń úlesi 6 esege, ıaǵnı 13%-ke deıin artty. Ortasha jas mólsheri 4 jylǵa tómendep, 47 jasty qurady.

«Memlekettik qyzmetshiler sany úshten birge qysqardy. Saıası keńestiń quramynda azamattyq sektordyń ókilderi aıtarlyqtaı artty. Bilim berý salasynyń ókilderi 2 esege (10%) artsa, ÚEU men BAQ úlesi 2 eseden astamǵa, 15,2%-ke ulǵaıdy», - deıdi partııa.

Aıta keteıik, «Nur Otan» partııasynyń kezekten tys HHІ sezinde partııa saıası keńesiniń jańa quramy bekitildi.

Aıta keteıik, «Nur Otan» partııasynyń kezekten tys HHІ sezinde partııa saıası keńesiniń jańa quramy bekitildi. Jańa tizimdi «Nur Otan» partııasynyń saıtynan kórýge bolady.