«Nur Otan» partııasynyń RSSh Almatyǵa arnaıy sapary partııa jaqtastarynyń forýmymen aıaqtaldy
Úgit-nasıhat toby ońtústik astanadaǵy ekinshi kúnin «Almaty Kópirli Qurylym Zaýyty» JShS eńbek ujymymen, ǵylymı-shyǵarmashylyq, zııaly qaýym, qaıyrymdylyq jáne áleýmettik jobalarmen aınalysatyn qoǵamdyq birlestik ókilderimen kezdesti. Sondaı-aq «Nur Otan» partııasy jaqtastarynyń forýmy bolyp ótti.
Partııa Tóraǵasynyń birinshi orynbasary Asqar Myrzahmetov bastaǵan Respýblıkalyq saılaýaldy shtab delegatsııasynyń quramynda QR Parlamenti Májilisiniń V-shaqyrylymy depýtaty Jeksenbaı Dúısebaev, QR Parlamenti Senatynyń depýtaty Nurlan Orazalın, QR Ulttyq Ǵylym akademııasynyń múshesi Kenjeǵalı Saǵadıev jáne taǵy da basqa tanymal tulǵalar bar.
«Ǵylym ordasy» respýblıkalyq memlekettik kásipornynda Respýblıkalyq saılaýaldy shtab delegatsııasymen ótken kezdesýge 500-ge jýyq zııaly qaýym ókilderi qatysty. Alqaly jıyn barysynda Almaty tek elimizdiń ǵana emes, Ortalyq Azııanyń zııatkerlik, mádenı, ekonomıkalyq ortalyǵy ekeni aıryqsha aıtyldy.
Osy qalada elimizdiń negizgi ıntellektýaldy-shyǵarmashylyq áleýeti shoǵyrlanǵan. Sondaı-aq elimizdiń joǵary bilim berý mekemeleriniń úshten biri dál osy shaharda ornalasqan (127 JOO-nyń 42-si). «Innovatsııalyq tehnologııalar parki» arnaıy ekonomıkalyq aımaǵy iske qosylǵan. Bul jobanyń maqsaty - jańa tehnologııalardy tartý, jańa kásiporyndardyń qurylýyna jáne damýyna úles qosý, ınvestıtsııalar tartý. Búgingi tańda atalǵan arnaıy ekonomıkalyq aımaqta tirkelgen kompanııalardyń sany - 151. Kompanııalar negizinen aqparattyq tehnologııalar, telekommýnıkatsııa, baılanys, elektronıka salalary boıynsha básekege qabiletti ónimder shyǵarady.
«Álemde jańa tehnologııalar jıyntyǵy jınaqtaldy, ol jetekshi elderge ózderiniń ekonomıkalaryn taıaýdaǵy 5-10 jyl ishinde múldem jańa tehnıkalyq tərtipke kóshirýge múmkindik beredi. Mundaı tehnologııalyq bəsekelestik Qazaqstan úshin biregeı synaq bolyp tabylady. Osyǵan baılanysty «Nur Otan» partııasy joǵary tehnologııalardy damytý mindetin qoıyp otyr. Bizdiń jalpyulttyq basymdyqtarymyzdyń biri sandyq qoǵamdy keńinen qalyptastyrý», - dedi óz sózinde «Nur Otan» partııasy Tóraǵasynyń birinshi orynbasary Asqar Myrzahmetov.
Ǵylymı jáne shyǵarmashylyq zııaly qaýym ókilderi «Nur Otan» partııasynyń saılaýaldy baǵdarlamasynyń ınnovatsııalyq baǵytqa erekshe nazar aýdarylǵanyn quptaıtyndyqtaryn jetkizdi.
«Meni «Nur Otan» partııasynyń óz kúsh-jigerin IT-ınfraqurlymdy damytýǵa jumsaıtyny qýantady. Bul bastamany óz basym qoldaımyn. Óıtkeni, osylaısha ekonomıkanyń barlyq salasynda onlaın saýdanyń, elektrondy qyzmetterdiń, sandyq televızııa men mobıldi ınternettiń, qashyqtyqtan oqytýdyń, ónerkəsipte ınternet pen BigData tehnologııalarynyń jedel damýyna jaǵdaı jasaıdy», - dedi RSSh múshesi Nurlan Orazalın.
«Astana Business Campus» negizinde 3 ǵylymı-tehnıkalyq klasterdiń joǵary tehnologııalar, bıomedıtsınalyq jəne geologııalyq jiktelimde qurylatyny kóńilimnen shyqty. Al Almaty qalasyndaǵy ınnovatsııalyq tehnologııalar parkinde kem degende eki jańa eksportqa baǵdarlanǵan baǵyt qalyptasatyny, óńirli startap-hab pen transulttyq kompanııalardyń qatysýymen tehnologııalardy damytýdyń 5 ortalyǵy qurylatyny da quptarlyq bastama»,- dedi bul rette ǵalym Kenjeǵalı Saǵadıev.
«Nur Otan» partııasy basymdyqtardy durys aıqyndaǵan. Shynymen de, bizge myqty ǵylym qajet, alaıda, ol ekonomıkadan bólip jaryp qarastyrylmaýy tıis. Ǵalymdar men kəsipkerler bir bolyp, birlese əreket etse ǵana biz ınnovatsııalyq Qazaqstandy qura alamyz» - dep atap ótti «Qazaq kóz aýrýlaryn ǵylymı zertteý ınstıtýty» AQ basqarmasynyń tóraǵasy Tursynkúl Botabekova.
Osy kúni «Nur Otan» partııasynyń respýblıkalyq úgit-nasıhat top músheleri «Almaty Kópirli Qurylym Zaýyty» JShS eńbek ujymymen kezdesti. Bul elimizde osy baǵyttaǵy jalǵyz kásiporyn. Qazirgi kúni zaýytta 723 adam jumys isteıdi, onyń tórtten bir bóligi «Nur Otan» partııasynyń belsendi músheleri. Ónerkásip orny 350-den astam taýar atalymyn óndirip, respýblıkanyń 85% kópir qurylymdarymen qamtamasyz etedi.
«100 naqty qadam» Ult josparynda elimizdiń transporttyq-logıstıkalyq ınfraqurylymdy damytýǵa, onyń ishinde avtokólik joldaryn damytýǵa basa nazar aýdarylǵan. Al Qazaqstannyń jańa joǵary jyldamdyqty mýltımodaldy kólik baǵyty Azııadan Eýropaǵa jáne keri baǵytta júk tranzıtin kedergisiz júzege asyrýǵa múmkindik beretin Eýrazııalyq transkontınentaldyq dáliz qazirgi 18 mln. tonnadan 2020 jylǵa qaraı 33 mln.-ǵa deıin, al 2030 jylǵa taman 50 mln. tonnaǵa jetkizýge múmkin beredi»,- dep atap ótti kezdesýge qatysýshylar.
«Nur Otan» partııasynyń doktrınasynda bekitilgen yntymaqtastyq jáne ózara járdem prıntsıpteri týraly shtab músheleri qaıyrymdylyq jáne áleýmettik jobalarmen aınalysatyn úkimettik emes uıym ókilderimen ótken kezdesýde aıtty. Jıyn jylyna jobalarǵa 100 mln. teńge jumsaıtyn «Baýyrjan» qaıyrymdylyq qorynyń keńsesinde ótti. Qurylǵannan beri 12 jyldyń ishinde qor áleýmettik jobalarǵa 1 mlrd. teńgeden astam qarjy jumsaǵan. Jetim balalarǵa, múmkindigi shekteýli jandarǵa kómek kórsetý partııanyń «Ardagerlerdi ardaqtaıyq», «Baqytty balalyq shaq», «Kedergisiz Keleshek» jobalarynda kórinis tapqan. Respýblıkalyq saılaýaldy shtab músheleri áleýmettik kómek kórsetý qyzmetin baqylaý úshin ótken jyly «Qaıyrymdylyq týraly» zań qabyldanǵanyn eske saldy.
«Nur Otan» partııasynyń respýblıkalyq saılaýaldy shtabynyń Almatyǵa arnaıy sapary partııa jaqtastarynyń Forýmymen aıaqtaldy. Jıynǵa 5 myńnan astam qala turǵyny keldi. Olardyń arasynda jastar shoǵyry mol boldy.
«Biz elimizdi maqtan etemiz. Damyǵan aldyńǵy qatarly memlekette turyp jatqanymyzǵa maqtanamyz. Ertengi kúni elimiz úzdikter qatarynan tabylǵanyn qalaımyz. Sondyqtan, «Nur Otan» partııasyna daýys beremiz», - dedi Qurmanǵazy atyndaǵy Qazaq ulttyq konservatorııasy Demokratııalyq jastar uıymynyń tóraǵasy, stýdent Medeýbek Hangeldi.
Almaty qalalyq «Jas Otan» jastar qanatynyń múshesi Janerke Serikovanyń aıtýynsha, bizdiń elimizde jastarǵa barlyq jaǵdaı jasalǵan. «El bolashaǵy jastar dep jatady. Shyn máninde de, eldiń erteńi bizdiń alymdylyǵymyzǵa baılanysty. Al bul úshin elimizde oqımyn, damımyn degen jasqa barlyq jaǵdaı jasalǵan. Bul eń aldymen Elbasynyń syndarly saıasatynyń arqasynda múmkin bolyp otyr. Sol úshin de biz «Nur Otanǵa» qoldaý bildirýge ázirmiz», - dedi jastar ókili.
«Qazaqstan jastary Elbasy partııasy, «Nur Otannyń» saılaýaldy baǵdarlamasyn tolyq qoldaıdy. Biz birlik, turaqtylyq, jasampazdyq, úshin daýys beremiz», - dedi Ál-Farabı atyndaǵy QazUÝ stýdenti Gúljaına Ánýarbekova.
Aıta keteıik, Almaty qalasynda 9 saılaýaldy shtab qurylǵan. Olarda bir jarym myńnan astam senimdi ókildermen partııa belsendileri qyzmet atqarýda. Qalalyq máslıhat depýtattyǵyna «Nur Otan» partııasynyń tizimi boıynsha 35 úmitker usynylǵan.
