«Nur Otan» partııasynyń oblystyq fılıaly janyndaǵy sarapshylar tobynyń kóshpeli otyrysy ótti
PETROPAVL. QazAqparat - Soltústik Qazaqstan oblysy Mamlıýt aýdanynda kóktemgi dala jumystary maýsym aıynyń basynda aıaqtalypty.
Agrarlar bıyl egin egý naýqany kezinde 165 myń gektar jerge yrys dánin sińirgen. Sharýalar onyń 117 myńyna bıdaı, 31 myń gektarǵa - maıly daqyldar, al qalǵanyna burshaqty daqyldar ekken.
Iskak Nasyrov - Mamlıýt aýdandyq aýyl sharýashylyǵy bóliminiń basshysy:
- Bıyl Mamlıýt aýdanynyń sharýashylyktary qyzý naýqandy oıdaǵydaı aıaqtady. Jýyrda dıqandar egistik alqaptarǵa gerbetsıd seýipte úlgerdi. Endi tamyz aıynda sýbsıdııa alamyz. Qazir oǵan qajetti qujattar Aýyl sharýashylyǵy mınıstrliginde ázirlenip jatyr. Aýdanda mal basyn arttyrý maqsatynda memlekettik «sybaǵa», «altyn asyq», «Qulan» baǵdarlamalar sátti súzege asýda.
Osy jyly Jambyl aýdanynda kóktemgi dala jumystary kezinde 288 myń gektardan asa jerge yrys dánin sebilipti. Sondaı-aq, atalǵan aýdanda mal sharýashylyǵy salasy da alǵa basyp keledi. Bıyl sharýalar jyl sońyna deıin memlekettik «Sybaǵa», «Qulan», «Altyn asyq» baǵdarlamalary aıasynda 1407 bas tórt-túlikti satyp alý josparda bar. Taǵy Jambyl aýdanynda turǵyndardy jumyspen qamtý máselesi de oń jolǵa qoıylǵan.
Altaı Seıtov - Jambyl aýdandyq jumyspen qamtý jáne áleýmettik baǵdarlamalar bóliminiń basshysy:
- Jambyl aýdanynda turǵyndardy jumyspen qamtý máselesi «Óńirlerdi damytý» jáne «Jumyspen qamtýdyń jol kartasy 2020» baǵdarlamalary arqyly sátti júzege asyp keledi. Máselen, jyl basynan beri 489 adam eki qolǵa bir kúrek tapty. Onyń 380-i turaqty qyzmetke ornalasty.
Aıta ketken jón, bul «Nur Otan» partııasynyń oblystyq fılıaly janyndaǵy sarapshylar tobynyń alǵashqy kóshpeli otyrysy. Osyndaı jıyndar arqyly uıymastyrýshylar aýdandardaǵy aýyl sharýashylyǵy jáne turǵyndardy jumyspen qamtý baǵdarlamalaryndaǵy túıtkildi máselelerdi anyqtap, olardy bir jaqty etpek.
Bolat Ábilmájinov - Oblystyq máslıhat depýtaty, «Nur Otan» partııasynyń oblystyq fılıaly janyndaǵy sarapshylar tobynyń tóraǵasy:
- Sharýalar máiselen «Sybaǵa» baǵdarlamasyn bilgenniń ózinde, onyń qalaı qarjylandyrýyn bile bermeıdi. Sony túsindirý máselesin damytý qajet. Jáne baǵdarlama arqyly qalaı qujattardy jınap, aqshaǵa qol jetkizýge bolatyndyǵyn aıtamyz.
Endi aldaǵy ýaqytta «Nur Otan» partııasynyń oblystyq fılıaly janyndaǵy sarapshylar tobynyń kezekti kóshpeli otyrysy Shal aqyn aýdanynda ótedi, dep habarlady mtrk.kz.
