«Nur Otan» partııasynyń elordalyq fılıaly 2 myń azyq-túlik sebetin taratty

NUR-SULTAN. QazAqparat – 6-7 naýryz kúnderi «Nur Otan» partııasynyń qalalyq fılıaly belsendileri azyq-túlik sebetin taratty, dep habarlaıdy QazAqparat fılıaldyń baspasóz qyzmetine silteme jasap.

«8 naýryz merekesi qarsańynda «Nur Otan» partııasynyń qalalyq fılıalynyń belsendileri QR Táýelsizdiginiń 30 jyldyǵyna arnalǵan «30 ıgi is: «Qaıyrymdylyq ister» marafony aıasynda halyqtyń áleýmettik osal toptaryna azyq-túlik sebetterin taratty», - delingen habarlamada.

Azyq-túlik sebetteri 2000 otbasyna taratyldy. Árqaısysy 25-27 kelini quraıtyn sebetke jarma, makaron, kúnbaǵys maıy sekildi turmysqa qajetti taýarlar salynǵan.

«Kómek jalǵyz basty qart adamdarǵa, erekshe qajettilikteri bar azamattarǵa jáne áleýmettik osal toptarǵa kórsetildi», - deıdi partııa fılıaly.

Eske sala ketsek, 8 naýryz qarsańynda jasotandyqtar Nur-Sultan qalasyndaǵy №2 kópbeıindi aýrýhananyń akýsherlik bólimine baryp, qyzmetkerler men analardy quttyqtaǵan edi.