Nur Otan partııasyn qoldaý deńgeıi 76,8% quraıdy

NUR-SULTAN. QazAqparat - Qoǵamdyq saıasat ınstıtýtynyń qazan aıyndaǵy saýalnama nátıjelerine sáıkes partııany qoldaý deńgeıi 76,8% quraıdy.Sonymen qatar, 70,7% partııanyń saıası salada básekelesteri joq degen pikirde, al respondentterdiń 69,2% eldiń odan ári damýyn tek «Nur Otan» partııasymen baılanystyrady, dep habarlaıdy QazAqparat Socioexpert-ke silteme jasap.

Partııany qoldaýdyń joǵary deńgeıi, bul pandemııa kezeńinde halyqty qoldaý jumystarynyń kúsheıýiniń, keri baılanystyń onlaın-arnalary men qoǵamdyq qabyldaýlardyń nyǵaıýynyń, Elbasy men Memleket basshysynyń tapsyrmalarynyń oryndalýyn baqylaý jónindegi maqsatty jumystarynyń nátıjesi.

Sondaı-aq, partııa reıtıngteriniń artýyna qoǵamda suranysqa ıe bola bilgen praımerızdi ótkizý yqpal etti. Praımerızde partııa músheleriniń 82,4% daýys berdi, 10 myńnan astam kandıdat tirkeldi, olardyń 55% - ten astamy qalalyq jáne aýdandyq máslıhattar tizimine ótti. Qazaqstandyqtardyń 65,3% partııalyq saılaý týraly estigen, olardyń 62% praımerızdi «jaqsy tájirıbe» dep sanaıdy.