«Nur Otan» partııasy UOS ardagerleri men tyl eńbekkerleri úshin taqyryptyq qabyldaýlar ótkizedi - B.Baıbek
Toqtala ketetin jaıt, Memleket basshysynyń tapsyrmasyna sáıkes, «Nur Otan» partııasy byltyrǵy jyly da taqyryptyq kezdesýler men qabyldaýlar uıymdastyrǵan bolatyn. Respýblıka boıynsha jumys istep turǵan 241 qoǵamdyq qabyldaýdyń arqasynda jurtshylyqpen tıimdi keri baılanys tetigi jandanyp, bul aýyldy jerlerden bastap, joǵaryǵa deıingi deńgeılerdegi problemalarǵa jedel den qoıýǵa septigin tıgizgen.
«Bıylǵy jyl da erekshe. Uly Otan soǵysyndaǵy Jeńistiń 70 jyldyǵyn esepke ala otyryp, biz óńirlerge taǵy da ardagerler men tyl eńbekkerleri úshin taqyryptyq qabyldaýlar ótkizýdi tapsyryp otyrmyz. Naýryzdyń 1-inde partııanyń jumysy týraly azamattarǵa burynǵydan da jan-jaqty jetkizýdiń múmkindikteri, memlekettik saıasatty túsindirý joldary baǵalanatyn bolady. Sonymen qatar azamattardy jumysqa ornalastyrý, turǵyn úı qurylysy men basqa da problemalardy sheshýge septigin tıgizetin «Nurly jol» baǵdarlamasyna da basa nazar aýdarylady», - dedi B.Baıbek.
Eske sala keteıik, 11 naýryzda «Nur Otan» partııasynyń kezekti XVI sezi ótedi. Sezge elimizdiń barlyq óńirlerinen 1200-den astam, onyń ishinde oblystyq máslıhattardaǵy partııanyń depýtattyq fraktsııasynyń jetekshileri, shalǵaı aýyldardyń ókilderin qosqanda 200-den astam bastaýysh partııa uıymynyń tóraǵasy, sondaı-aq 100-den astam ardager men partııa belsendisi bar delegattar qatysady dep josparlanýda. Partııa jarǵysyna sáıkes 26 aqpanda bastaýysh partııa uıymdarynyń jıyndarynda, partııanyń aımaqtyq jáne óńirlik fılıaldarynyń konferentsııalarynda «Nur Otan» partııasynyń kezekti HVІ Sezine delegattardy usyný bastaldy.
