«Nur Otan» partııasy saılaýaldy úgit-nasıhat jumystaryn bastady
NUR-SULTAN. QazAqparat - «Nur Otan» partııasy saılaýaldy úgit-nasıhat jumystaryn resmı túrde bastady, dep habarlaıdy QazAqparat partııanyń saıtyna silteme jasap.
Qasym-Jomart Toqaevtyń Respýblıkalyq qoǵamdyq shtaby quryldy. Oǵan 190 myńǵa jýyq adam enip, kandıdattyń senimdi ókili retinde 19,5 myń adam tirkeldi. Olardyń quramynda tabysty kásipkerler, otandyq estrada jáne kıno juldyzdary, shyǵarmashylyq ıntellıgentsııa ókilderi, elimizge belgili sportshylar men memleket jáne qoǵam qaıratkerleri endi.
Aǵymdaǵy saılaý naýqanynyń jańalyǵy retinde alǵash ret qoǵamdyq shtabtyń «TEAMQAZAQSTAN» jastar qanatynyń qurylǵandyǵyn aıtýǵa bolady.
Búginde elimiz boıynsha 227 qoǵamdyq shtab quryldy. Onyń 17-si - oblystyq, 37-si - qalalyq jáne 173-i aýdandyq deńgeıde jumys isteıdi. Aımaqtyq jáne aýmaqtyq shtabtardyń quramyna 5766 adam ense, onyń 1267-si jastar qanatynyń ókilderi.
Eske sala keteıik, búgin keshki saǵat 18:00-den keıin Qazaqstanda kezekten tys prezıdent saılaýy aldyndaǵy úgit-nasıhat sharalary bastaldy.
