«Nur Otan» partııasy saıası kóshbasshylyq negizinde qandaı mindetterdi oryndaýy kerek - sarapshy
«2013 jyldyń 18 qazanynda ótken «Nur Otan» HDP partııasynyń XV sezi partııanyń damýynyń jańa kezeńin, sonymen birge «Nur Otan» partııasynyń tarıhı, jetekshi róli men saıası mańyzyn aıqyndap bergen aıtýly oqıǵa boldy. Atalǵan sezde Memleket basshysy saıası josparlaý men menedjmenttiń, saıası birlik pen ıntegratsııanyń jańa partııalyq modeliniń negizin qalaǵan uzaqmerzimdi saıası-partııalyq kóshbasshylyqtyń jańa tujyrymyn qalady», - deıdi sarapshy.
Alýa Joldybalınanyń aıtýynsha, partııa aldynda árdaıym mindet qoıa otyryp, Prezıdent saıası partııanyń kúshi halyqpen jáne qoǵammen jumys isteýdiń jańa formatyn izdep qana qoımaı, partııalastardyń kásibıligi men kóshbasshylyǵyn ósirýge talpyný kerektigi jaıly tapsyrma bergen.
«Prezıdenttiń kóshbasshylyq kontseptsııasy partııa jumysynyń aldaǵy tiregi men negizi boldy. Partııanyń uzaqmerzimdi saıası kóshbasshylyǵynyń máni nede? Partııa uzaqmerzimdi saıası kóshbasshylyq negizinde kelesi mindetterdi oryndaýy tıis: birinshiden, patrıottyq kúshterdiń bastaýshysy, jańa qazaqstandyq patrıotızmniń qurýshy ortasy bola bilýi kerek. Ekinshiden, jalpyulttyq birliktiń ortalyq túıini bola otyryp, aımaqaralyq baılanysty nyǵaıta bilýi tıis. Úshinshiden, azamattyq qoǵamnyń kóshbasshysy bola otyryp, barlyq patrıottyq ÚEU múddeleriniń bastaýshysy ári seriktesi bolýy kerek», - deıdi ol.
Sarapshynyń aıtýynsha, partııa tórtinshiden, jalpyulttyq ınnovatsııanyń ekonomıkalyq jáne áleýmettik ortalyǵy retinde memleket pen qoǵamdy ınnovatsııalyq ıdeıalarmen azyqtandyra bilýi qajet. Besinshiden, jalpyulttyq baqylaýdyń basty quraly retinde partııa janyndaǵy konsýltatıvti organdardyń jumysyn jetildirip, Fraktsııanyń jumysyn Májiliste kúsheıtip, sybaılas jemqorlyqqa qarsy ymyrasyz strategııany júzege asyra bilýi tıis. Altynshydan, jastarmen jumysty kúsheıtip, belsendi túrde memlekettik jastar saıasatyn iske asyryp, partııanyń baǵytyn jastar qoldaıtyndaı jumys júrgizýmen birge «Strategııa-2050»-di júzege asyrýda olardy tarta bildi. Jetinshiden, memlekettiń basty ishki saıası qundylyqtaryn alǵa jyljytyp, qorǵap, úılesimdi ári qaýipsiz, kóppolıarly jáne tolerantty álem úshin ún qosýy tıis.
«Jalpy, Prezıdent partııalastaryna kóshbasshylyq kontseptsııasy arqyly jumystyń basty basymdyqtaryn, jańa mindetter men partııa jumysynyń tyń formatyn aıqyndap berdi», - deıdi sarapshy.
