Nur Otan partııasy Qazaly qalasyn gazben jabdyqtaýǵa yqpal etedi

QAZALY. QazAqparat - «Nur Otan» partııasynan aýdandyk máslıhat depýtattyǵyna kandıdat Janat Qýanyshqyzy Kólanova Qazaly qalasyndaǵy ardagerler keńesiniń múshelerimen kezdesti.

Kezdesýde kandıdat «Nur Otan» partııasynyń 2021-2025 jyldarǵa arnalǵan «Ózgerister joly: ár azamatqa laıyqty ómir» atty baǵdarlamasymen tanystyrdy.

«Partııa óz baǵdarlamasynda kún tártibindegi ózekti máselelerdi qamtyp otyr. Onyń biri, barlyǵyńyzdyń kókeıińizdegi saýal - gazben qamtamasyz etý máselesi. Osy oraıda partııa 2021 jyly Qazaly qalasyn (58,9 shaqyrym) gazben jabdyqtaýǵa yqpal etetin bolady. Osy sharalar nátıjesinde 7800 turǵyn gazben qamtamasyz etiledi», -dedi úmitker Janat Qýanyshqyzy.

Úmitkermen kezdesýde ardagerler keńesiniń músheleri Sadyrbek Kanıev, Ómirbek Tleýbergenov sóz alyp, óz usynystaryn bildirdi.

«Nur Otan» partııasy Qyzylorda oblysy Qazaly aýdany Saılaý qorynyń qarajatynan tólendi.