«Nur Otan» partııasy halyqtyń ómir súrý deńgeıin arttyrýdy kózdeıdi
«Nur Otan» partııasy Aqtóbe oblystyq saılaýaldy baǵdarlamasynda 7 basym baǵyt bar. Onda halyqtyń ómir súrý sapasy men ál-aýqatyn jaqsartýǵa basymdyq berilgen. Shalǵaı aýyldardaǵy saılaýshylarmen kezdesken úmitkerler jumyspen qamtý, baspana, jastar jaıyn qozǵady.
«Turaqty ekonomıkalyq damý jáne halyqtyń ómir súrý deńgeıin arttyrý «Nur Otan» partııasynyń negizgi baǵyty bolyp tabylady. Halyqtyń ál-aýqatynyń negizin azamattardy jumyspen, turaqty tabyspen qamtamasyz etýde dep bilemiz. Sońǵy jyldary 57 myń jańa jumys orny ashyldy. Sonymen birge koronavırýs pandemııasyna baılanysty halyqtyń bir bóligi jumysynan jáne turaqty tabysynan aıyryldy. Bizdiń mindet – jumyssyzdyqty 4,9% deńgeıinde ustap turý jáne 2025 jylǵa qaraı ortasha jalaqyny keminde 200 myń teńgege kóterý úshin jetkilikti jańa jumys oryndaryn ashý bolyp tabylady», - dedi oblystyq máslıhat depýtattyǵyna úmitker Kúlparshyn Aıdarhanova.
Sonymen birge partııa azamattardyń ómir súrý sapasyn jan-jaqty arttyrýdy, árkimniń taza aýyz sýǵa, aýaǵa jáne sapaly ınfraqurylymǵa qol jetkizýin qoldaıdy.
«Nur Otan» partııasy jol jáne kólik ınfraqurylymyn, turǵyn úı-kommýnaldyq salany jańǵyrtýǵa, sondaı-aq qolaıly ekologııalyq jaǵdaıdy saqtaýǵa baǵyttalǵan «Qutty meken», «Aýyl - El besigi» jobalaryn iske asyrýǵa óz úlesin qosady.
«Nur Otan» partııasy turǵyn úı alý múmkindikterine keshendi sharalar qoldaný qajet dep sanaıdy. Oblysta memlekettik turǵyn úı baǵdarlamalary tıimdi iske asyrylyp jatyr. Sońǵy bes jylda oblysta 3,9 mln sharshy metr turǵyn úı nemese 31 myń páter salyndy. Biz 2025 jylǵa qaraı oblys boıynsha bir turǵynǵa shaqqanda turǵyn úımen qamtamasyz etý kórsetkishin 21,6-dan 26 sharshy metrge deıin jetkizý mindetin qoıamyz. 2021-2025 jyldary 3,9 mln sharshy metr turǵyn úı qurylysy, onyń ishinde bıýdjet qarajatynan 194 myń sharshy metr turǵyn úı nemese 2 myń páter», - dedi oblystyq máslıhat depýtattyǵyna úmitker Baqtyhan Janshaeva.
Oblystyq máslıhat depýtattyǵyna úmitker Juldyz Qojabekova jastar máselesin qozǵady. «Nur Otan» partııasy men onyń «Jas Otan» jastar qanaty jastarǵa jan-jaqty qoldaý kórsetýdi kúsheıtedi. 2025 jylǵa qaraı jastardyń jumyspen qamtylýyn, olardyń shyǵarmashylyq jáne iskerlik turǵydan ózin-ózi jetildirýin qamtamasyz etý úshin birqatar joba iske asyrylady.
«Jastarmen jumys barysynda áleýmettik lıftiler qurýǵa, «7-20-25» baǵdarlamasy boıynsha jas otbasylar úshin turǵyn úımen, jumysqa ornalastyrý, bilim berý máselelerin sheshýge basa nazar aýdarylatyn bolady. Oblysta jastar bastamalaryn damytýdyń 14 ortalyǵy jumys isteıdi. Óńirdegi jas urpaqtyń ómir súrý deńgeıin arttyrý barysynda «Jasyl el», «Jastar - Jastarǵa» qozǵalysy, «Dıplommen - aýylǵa!» jobasy, aýyldaǵy jastar kásipkerligi jáne ózge de is-shara júzege asyrylyp jatyr. Jyl saıyn keminde 8 myń, «Jasyl El» eńbek jasaqtaryn uıymdastyrý kezinde jaz aılarynda keminde 1,5 myń jasty jumysqa ornalastyrý kózdelgen. 1340 oryndyq 5 stýdenttik jataqhana qurylysy júrgiziledi. Aqtóbe qalasyndaǵy joǵary oqý ornynyń 500 oryndyq 1 jataqhanasy men kolledjderdiń 840 oryndyq 4 jataqhanasy josparlandy», - dedi úmitker.
Onlaın kezdesý kezinde «Atameken» óńirlik kásipkerler palatasynyń dırektory Anar Darjanova týabitti sal aýrýyna shaldyqqan balalardy ońaltý ortalyǵyn oblys aýdandaryna da salý usynysyn aıtty. Bul – ata-ananyń ýaqyty men qarjysyn únemdeýge baǵyttalǵan áleýmettik joba. Oblystyq máslıhat depýtattyǵyna úmitker Kúlparshyn Aıdarhanova «Nur Otan» partııasynyń saılaýaldy baǵdarlamasynda teń múmkindikter jasalǵanyn, tek balalardy emes, qarııalar men jalǵyzbasty adamdardyń nazardan tys qalmaıtynyn atap ótti. Bul úshin «Baqytty otbasy», «Ardagerlerdi ardaqtaıyq», «Kedergisiz keleshek» partııalyq jobalarynyń jumysy kúsheıtilip, kópbalaly jáne az qamtylǵan otbasylardy qoldaýǵa jáne olardyń azamattyq pozıtsııasyn jandandyrýǵa baǵyttalady. Atap aıtar bolsaq, 2021 jyly múmkindigi shekteýli adamdarǵa arnalǵan 150 oryndyq ońaltý ortalyǵynyń qurylysy bastalady. Keler jyly Aqtóbe qalasynda, 2022 jyly Hromtaý, Qandyaǵash, Alǵa qalalarynda múmkindigi shekteýli adamdarǵa arnalǵan sport keshenin salynady. Ári 2023 jyly Aqtóbe qalasynda erekshe bilim berý qajettilikteri bar balalarǵa arnalǵan arnaıy ońaltý balabaqshasy boıy kóteredi.
«Jalpy balabaqshalarda 44 arnaıy ońaltý tobyn ashý kózdeldi. Múmkindigi shekteýli azamattar 2021 jyly onlaın rejımde kómekshi, áleýmettik qyzmetterdi tańdaı alady. Bul úshin áleýmettik qyzmetterdiń biryńǵaı portalyn engiziledi. Men saılaýshylardyń 10-qańtarda óz tańdaýyn jasap, Nur Otan-ǵa daýys berýge shaqyramyn. Bizdiń uranymyz - «Qıyndyqty eńserip, jeńiske birge jetemiz!», - dedi K.Aıdarhanova.
«Nur Otan» partııasy Aqtóbe oblysynyń Saılaý qorynyń qarajatynan tólendi.
