«Nur Otan» partııasy barlyq saıası kúshtermen syndarly ózara árekettestikke daıyn - N. Nazarbaev

ASTANA. QazAqparat - «Nur Otan» elimizdegi barlyq saıası kúshtermen syndarly ózara árekettestikke daıyn. Búgin «Nur Otan» partııasynyń kezekten tys XVII sezinde partııa Tóraǵasy, Elbasy Nursultan Nazarbaev osylaı málimdedi.

«Men partııalyq barlyq fılıaldar men uıymdardyń saılaýaldy jumystaryna jemis, saılaý naýqanynda jeńis tileımin. Bizdiń árbir saılaýshylarymyzǵa saılaýaldy baǵdarlamany jetkizý kerek. Turaqtylyqta tirshilik etetin, birlik pen gúldengen Qazaqstan - bul bizdiń ortaq múddemiz», - dedi Memleket basshysy.
Sonymen qatar, Nursultan Nazarbaev Parlament Májilisiniń aldaǵy saılaýyna qatysty partııanyń tizimge engen úmitkerlerine de jeńis tiledi.
«Saılaýǵa álemniń kóptegen elderinen baıqaýshylar qatysady. Sondyqtan da, saılaý ádil, taza jáne básekelesken jaǵdaıda ótýi kekrek. Kandıdattar óz isterin bilip, jurtshylyqqa partııa qyzmetin jete túsindirýleri jáne josparlaryn jetkizýleri kerek.
Depýtattyqqa kandıdattardyń jańartylǵan tizimi halyqtyń ókilderdiń quramyn jasartyp otyr, sonymen qatar, bul kezeńde qajetti mamandar da tolyq qamtylýda», - dedi N. Nazarbaev.
Osyǵan baılanysty, Memleket basshysy «Nur Otan» saıası partııasy elimizdegi barlyq saıası kúshtermen syndarly ózara árekettestikke daıyn ekendigin málimdedi .