«Nur Otan» partııasy 127 mln teńgeniń sebetin taratty
Bul týraly QazAqparat «Nur Otan» partııasynyń baspasóz qyzmetine silteme jasap habarlaıdy.
2 saǵattan astam ýaqyt ishinde 1000-nan astam suraq kelip tústi, olardyń basym bóligi «Birgemiz» qoǵamdyq qorynan tólenetin tólemderge, halyqtyń áleýmettik osal toptaryn azyq-túlik sebetterimen qamtamasyz etýge qatysty, sondaı-aq kóptegen turǵyndar partııalyqtarǵa azyq-túlikti jınaý men tasymaldaýǵa qalaı kómektesýge bolatynyn bildi.
«Elorda boıynsha azyq-túlik sebetin barlyǵy 11 myńǵa jýyq otbasy alady. Búgingi kúni quny 127 mln. teńge bolatyn 8472 jıyntyq taratyldy. Sondaı-aq, turǵyndarǵa aktsııanyń ekinshi tolqyny bastalǵandyǵy týraly aıttym, onyń aıasynda 28073 otbasyna 1,4 mlrd. teńge kóleminde kómek kórsetiledi.
Qarajatty aýdarý 2020 jyldyń 27 sáýirinde, dúısenbi kúninen, kelesi sanattar boıynsha bastalady: az qamtylǵan otbasylar, sonyń ishinde kópbalaly otbasylar (AÁK alýshylar)- 7593 adam, kómekke muqtaj múgedekter (1, 2 top jáne múgedektigi bar zeınetkerler, AÁK alýshylar)- 9391 adam, múgedek balany kútýdi júzege asyratyn tulǵalar (AÁK alýshylar)- 469 adam, zeınetkerler (eń tómengi jáne odan tómen zeınetaqy alatyn)- 10532 adam, jetimder - 42 adam, UOS qatysýshylary men UOS múgedekteri jáne olarǵa teńestirilgender – 8 adam, tyl eńbekkerleri – 38 adam»,-deıdi «Nur Otan» partııasy elordalyq fılıaly tóraǵasynyń birinshi orynbasary Erlan Kanalımov.
Sondaı-aq, ol karantın bastalǵaly beri Nur-Sultan aýmaǵynda elordalyq partııa ókilderi 25 mln. teńgege 16 myń bótelke antıseptıkter (blokpostar, medıtsınalyq mekemeler, áleýmettik qorǵaý basqarmasy uıymdaryna, Qarttar úıi, balalar úıi jáne t. b.) taratylǵanyn aıtty. 1,5 mln. danadan astam medıtsınalyq maskalar halyqtyń áleýmettik osal toptaryna, sondaı-aq medıtsınalyq mekemelerge berilgen.
