Nur Otan Ortalyq jáne Shyǵys Qazaqstanǵa arnalǵan saılaýaldy baǵdarlamalaryn usyndy
Sonymen, partııanyń Shyǵys Qazaqstan oblysy boıynsha saılaýaldy baǵdarlamasynyń jobasynda 2025 jylǵa deıin óńirde shamamen 130 myń jumys ornyn qurý jáne ortasha jalaqyny 202 myń teńgege deıin arttyrý mindeti qoıylǵan. Bul rette «Nur Otan» eńbek naryǵynyń qajettilikterin eskere otyryp, 1,5 myń adamdy jyl saıyn qaıta daıarlaýǵa yqpal etýdi josparlap otyr.
Sharýalarǵa barynsha qoldaý kórsetý úshin partııa jyl saıyn 50-ge jýyq túrli ınvestıtsııalyq jobalardy júzege asyrýdy usynady. Bul – sút-taýarlarynyń fermalaryn salý, bordaqylaý alańdaryn qurý, aýyl sharýashylyǵy taýar óndirýshilerin jeńildetilgen nesıemen qamtamasyz etý jáne t.b.
Óńirdiń týrıstik áleýetin iske asyrý maqsatynda Alakól kóliniń jaǵalaýyn damytý, Úrjar aýylyndaǵy áýejaıdy qaıta jańartý jáne Buqtyrma sý qoımasy arqyly ótetin kópir salý kózdelip otyr.
Avtojoldardyń sapasyn kezeń-kezeńmen jaqsartý úshin aldaǵy 5 jylda barlyq aýdandarda 2,5 myń shaqyrym joldy jáne 76 aýyldaǵy kóshelerdi jóndeý josparlanýda.
2025 jylǵa deıin partııa alǵashqy medıtsınalyq-sanıtarlyq kómek kórsetetin medıtsınalyq uıymdardyń 15 mınýttyq jerde ornalasýyn qamtamasyz etý mindetin qoıady. Bul rette partııa Semeı qalasynda ıAdrolyq medıtsına ortalyǵyn, Gematologııa ortalyǵyn jáne Óskemen qalasynda 300 tósektik kóp beıindi aýrýhanany, sondaı-aq Úrjar, Kúrshim, Tarbaǵataı aýdandarynda dárigerlik ambýlatorııalar salýǵa járdemdesetin bolady.
Partııa óziniń saılaýaldy baǵdarlamasy aıasynda barlyq muqtaj balalardy 100% qamtı otyryp, ınklıýzıvti bilim berý úshin jaǵdaı jasaýǵa qol jetkizbek. Balalar men jastar arasynda buqaralyq sportty damytý úshin partııa ártúrli eldi mekenderde 11 dene shynyqtyrý jáne saýyqtyrý keshenderin, 2 basseın, shaǵyn sport alańdaryn, strıtvorkaýtqa arnalǵan alańdardy jáne hokkeı korttaryn salý esebinen sporttyq ınfraqurylymdy keńeıtýdi qolǵa alady.
Indýstrııalyq sektordyń lokomotıvi bolyp tabylatyn Qaraǵandy oblysynda «Nur Otan» jyl saıyn keminde 30 myń jańa jumys ornyn ashý mindetin qoıyp otyr. Saılaýaldy baǵdarlamanyń jobasy ónerkásipti, qurylys salasyn, aýyl sharýashylyǵyn, áleýmettik ınfraqurylymdy jáne t. b. odan ári damytýǵa baǵyttalǵan.
Óńirde qorshaǵan ortaǵa úlken aýyrtpalyq baıqalatyndyqtan, partııa aýaǵa lastaýshy zattardyń emıssııasyn 560 myń tonnaǵa deıin tómendetýdi qamtamasyz etý jáne qatty turmystyq qaldyqtardy qaıta óńdeý úlesin 2025 jylǵa qaraı 27%-ǵa deıin ulǵaıtýdy maqsat etip otyr.
Ol úshin aldaǵy bes jylda «Qazaqmys» jáne «Arselor Mıttal» kásiporyndaryndaǵy shań jáne gaz ustaý jabdyqtaryn jańartyp, «Saryarqa» magıstraldyq gaz qubyryna qosylý qajet. Keńgir kentinde bıoelektr stantsııasyn, Jańaarqa aýdanynda qoqys suryptaý keshenin, Qaraǵandy qalasynda qoqys jaǵatyn jáne qoqys óńdeıtin zaýyttar salý josparlanýda. Memlekettik orman qory aýmaǵynda da, ónerkásip kásiporyndarynda da jasyl aımaqtardyń aýqymy ulǵaıtylatyn bolady.
Sonymen qatar, partııa Qaraǵandy, Balqash, Qarajal, Temirtaý, Saran jáne Jańaarqa aýdanynda sý qubyry jelilerin salý men qaıta jańartýǵa qol jetkizetin bolady. Búginde olardyń tozýy 85%-dy quraıdy. 250 kóppáterli turǵyn úı men 50 nysandy ortalyqtandyrylǵan jylý júıesine qosý úshin ortalyq qazandyqtyń qurylysyn aıaqtaýdy qamtamasyz etý kózdelýde. «Nur Otan» 180 aýylda sýmen jabdyqtaý nysandaryn salý jáne qaıta jóndeýden ótkizýdi qolǵa almaq.
Sondaı-aq, 2025 jylǵa qaraı 30 myń páterge jýyq turǵyn úı salý josparlanýda.
Bilim berý salasynda partııa músheleri oblystyń 100 myńǵa jýyq oqýshysyna tegin ystyq tamaq berýdi uıymdastyrýdy, Qaraǵandy jáne Qarqaraly qalalarynda 4 stýdenttik jataqhananyń qurylysyn, sondaı-aq Jezqazǵan qalasynda jańa balabaqshalardyń ashylýyn qamtamasyz etpek. Bul óz kezeginde 2025 jylǵa qaraı 1 jastan 6 jasqa deıingi balalardy balabaqshamen qamtýdy 100%-ǵa deıin arttyrýǵa múmkindik beredi.
Óńirlerdiń saılaýaldy baǵdarlamalarynyń jobalarymen tolyǵyraq primaries.kz saıtynan tanysýǵa bolady.
Baspasóz qyzmeti taratqan aqparatqa sáıkes, bul baǵdarlamalar túpkilikti emes, ol kraýdsorsıng qaǵıdaty boıynsha halyqtyń pikirin eskere otyryp pysyqtalmaq.
Eske sala ketsek , keshe «Nur Otan» elimizdiń ońtústik óńirleri boıynsha saılaýaldy baǵdarlamalarynyń jobalaryn jarııalaǵan bolatyn.
