«Nur Otan» óńir turǵyndarymen kezdesýdi jalǵastyrýda

ATYRAÝ. QazAqparat - «Nur Otan» el óńirlerinde halyqpen kezdesýlerdi jalǵastyrýda. Búgin respýblıkalyq saılaýaldy shtab músheleri Atyraý oblysyna bardy, dep habarlaıdy QazAqparat.

Atap aıtqanda, Atyraý munaı óńdeý zaýytynyń jumysshylarymen kezdesý barysynda ekologııa, jumyspen qamtý, áleýmettik ınfraqurylymdy jańartý jáne ózge de máseleler talqylandy.

Budan soń saılaýaldy shtab músheleri qoǵamdyq uıym ókilderimen, paralımpıadalyqtarmen jáne basqa da erekshe qajettiligi bar belsendi azamattarmen kezdesti.

Osy kúni nurotandyqtar taǵy da birqatar kezdesý ótkizdi, onyń ishinde «Atyrau-Avtopark» avtobýs parkiniń júrgizýshilerimen júzdesti. Ózekti taqyryptar boıynsha emin-erkin suhbat quryp, «Nur Otan»-nyń óńir men qalada ómir sapasyn jaqsartý jónindegi bastamalary týraly áńgime órbidi.