«Nur Otan» ókilderi sý basqan Maqtaaral aýdanynyń turǵyndaryna azyq-túlik jóneltti
Bul týraly búgin óziniń Instagram paraqshasynda «Nur Otan» partııasy tóraǵasynyń birinshi orynbasary Baýyrjan Baıbek jazdy, dep habarlaıdy QazAqparat.
«Qurmetti dostar! Ózderińizge málim, kórshiles Ózbekstanda sý qoımasy bógetiniń buzylýy saldarynan Túrkistan oblysy Maqtaral aýdanynyń eldi mekenderin sý basyp, 30 myńnan astam turǵyn evakýatsııalandy. ⠀
Memleket basshysy Qasym-Jomart Toqaev úkimettik komıssııaǵa tez arada turǵyn úıler men ınfraqurylymdy qalpyna keltirý, turǵyndarǵa áleýmettik kómek kórsetý jumystaryn júrgizýdi tapsyrdy. ⠀
Tótenshe jaǵdaı bolǵan alǵashqy kúnnen bastap «Nur Otan» partııasy bul oqıǵadan syrt qalmady. Partııa fılıaly men músheleri zardap shekken turǵyndarǵa barynsha kómek kórsetýde»,-dep jazdy B.Baıbek.
Onyń jazýynsha, búgin partııanyń Ortalyq apparaty elordadan Túrkistan oblysyna 40 tonnadan astam gýmanıtarlyq kómek, onyń ishinde azyq-túlik pen birinshi kezekte qajet taýarlardy jóneltti.
Sndaı-aq sý tasqyny bolǵan jerde tikeleı «Jas Otan» volonterlarynan shtab qurylyp, olar zardap shekken turǵyndarǵa júkti úlestirip berýge atsalysady.
