Nur Otan ókilderi dári baǵasynyń negizsiz kóterilýin áshkereledi
ALMATY. QazAqparat - Búgin Almatyda Nur Otan partııalyq baqylaý komıssııasy jergilikti atqarý organdarynyń ókilderimen birige otyryp qalanyń dárihanalarynda monıtorıng júrgizdi, dep habarlaıdy QazAqparat tilshisi.
Tekserý nátıjesinde keıbir dárilik zattardyń baǵasy negizsiz kóterilgeni anyqtaldy.
Máselen, Naýryzbaı aýdanynda tsıankobalamın dárýmeni bekitilgen baǵadan 30%-ǵa qymbat bolǵan. Alataý, Túrksib aýdandarynda Tsıkloferon men Ambrobene 10%-ǵa qymbat satylǵan.
Anyqtalǵan zań buzýshylyqtar boıynsha túsiniktemeler jazyldy. Hattamalar quzyrly organdarǵa tapsyryldy.
Aıta ketý kerek, Qazaqstanda QR DSM jylyna eki ret dárilik zattardyń kóterme jáne bólshek satý baǵasyna shekti baǵa bekitedi.
«Búginde jumyssapary barysynda biz 3 aýdandy araladyq. Ókinishke oraı 3 dárihanada dári baǵasynyń negizsiz kóterilgenin anyqtadyq. Bul qazirgi pandemııa kezinde múlde bolmaıdy. Kásipkerlerge, dárihana ıelerine aıyppul salynatynyn eskertemin», - dedi partııalyq baqylaý komıssııasynyń ınspektory Erjan Jumaǵulov.
