«Nur Otan»-nyń respýblıkalyq saılaýaldy shtabynyń ókilderi Qyzylorda oblysyna bardy

NUR-SULTAN. QazAqparat - «Nur Otan»-nyń respýblıkalyq saılaýaldy shtaby Qyzylorda oblysyna bardy, dep habarlaıdy QazAqparat partııanyń baspasóz qyzmetine silteme jasap.

Olar bilim jáne densaýlyq saqtaý salasynyń qyzmetkerlerimen, aýyl sharýashylyq kásiporyndarynyń ujymymen, jastarmen jáne basqa da azamattarmen júzdesip, uzyn sany 15-ke jýyq kezdesý ótkizdi.

Sonymen, óńirdegi kásipker áıeldermen kezdesý barysynda bıleýshi partııanyń taıaýdaǵy 5 jylǵa arnalǵan saılaýaldy bastamalary áńgime arqaýyna aınaldy.

Úkimettik emes uıymdar ókilderimen kezdesýde eldegi demokratııanyń óristeýine jol ashatyn jaýapty azamattyq qoǵamdy damytý máseleleri kóterilip, osy baǵyttaǵy birqatar oılar ortaǵa salyndy.

Osyǵan baılanysty nurotandyqtar eldegi ózekti máselelerdi birlese sheshý men memleketti damytý isine azamattyq belsendilerdi qarqyndy túrde aralastyrýdy josparlaýda.

Jalpy, óńir halqymen kezdesýde aýyz sýmen qamtamasyz etý, turmysy tómen otbasylarǵa qoldaý kórsetý, agrarlyq salany damytý jaıy da kóterilip, jan-jaqty talqylandy.