«Nur Otan» men Germanııanyń bılik partııasy ózara yntymaqtastyqty damytpaq
«Nur Otan» partııasynyń hatshysy Natalıa Godýnova basqarǵan delegatsııa músheleri sapar barysynda Eýropa parlamentiniń depýtaty Elmar Brokpen, Býndestag depýtattary Manfred Grýnt jáne Tankred Shıpanskımen, sondaı-aq Hrıstıan-demokratııalyq odaǵy partııasynyń halyqaralyq ister jónindegi hatshysy Bertıl Vengermen kezdesti.
Kezdesýler barysynda eki el delegatsııasynyń músheleri parlamentaralyq jáne partııaaralyq baılanystardyń qazirgi jaǵdaıy men bolashaǵyn sóz etti.
«Partııaaralyq yntymaqtastyqty damytý - tájirıbe almasyp, jumys júrgizýdiń jańa ádisterin engizýge yqpal etedi. Partııa jumysyn jańǵyrtý qoǵamdy damytý men saıası básekelesik jaǵdaıynda asa mańyzdy»,-dedi Natalıa Godýnova.
Qazaqstandyq delegatsııa basshysy germanııalyq áriptesterin eldegi parlamenttiń rólin nyǵaıtý úshin jarııalanǵan reformalardan habardar etti. Sonymen qatar ol ótken jyly Memleket basshysynyń bastamasymen qolǵa alynǵan «Nur Otan» partııasynyń Saıası taldaý jáne strategııalyq zertteýler ortalyǵynyń qyzmeti týraly aıtyp berdi.
«Nur Otan» partııasynyń músheleri atalǵan ortalyqtyń jumysy aıasynda Germanııanyń Hrıstıan-demokratııalyq odaǵy partııasymen yntymaqtastyqty nyǵaıtý mańyzdy dep esepteıdi.
Basqosýda sondaı-aq «Jas Otan» jastar qanaty men Hrıstıan-demokratııalyq odaǵy partııasynyń jastar uıymymen ózara yqpaldastyqty damytýdyń da múmkindikteri talqyǵa tústi.
Óz kezeginde germanııalyq áriptesteri nurotandyqtarǵa Hrıstıan-demokratııalyq odaǵy partııasyna jaqyn, «Nur Otan» partııasy kóp ýaqyttan beri birge jumys istep kele jatqan Adenaýer atyndaǵy qordyń qatysýymen jastardyń tájirıbesin almasý máselelesin qarastyrýdy usyndy.
